Ֆարերյան կղզիներում ժայռն ի վեր բարձրացող «ջրվեժ» են նկատել

Ֆարերյան կղզիների բնակիչներն ականատես են եղել բնության արտասովոր երևույթի` «հետընթաց ջրվեժի», որը բարձրանում է ժայռն ի վեր:

Մասնագետները բացատրել են, որ տեղի ունեցածը ոչ թե ջրվեժ է, այլ կաթիլների մրրիկ: Չնայած դրան՝ օգտատերերը հիացած են երևույթով:

Բեյնիսֆորդի ժայռը (քերծ) գտնվում է Լոպրա և Սումբա գյուղերի միջև: Այն ուղղահայաց ժայռեր ունի՝ դեպի ծովը, իսկ հակառակ կողմում կանաչ թեքվածությունն իջնում է միչև Սումբա գյուղը: