Ջեֆ Բեզոսը 10 մլրդ դոլար է հատկացրել գլոբալ տաքացման դեմ պայքարի համար

Աշխարհի ամենահարուստ մարդը հայտարարել է իր անվամբ հիմնադրամի ստեղծման մասին և արժանացել սեփական ընկերության աշխատակիցների քննադատություններին:

Նորություններ

# Amazon

# գլոբալ տաքացում

# Հիմնադրամներ

# Ջեֆ Բեզոս

Ջեֆ Բեզոս / ©Flickr

Amazon-ի ղեկավար Ջեֆ Բեզոսը, ում կարողությունը գնահատվում է 116 մլրդ դոլար, հայտարարել է Bezos Earth Fund հիմնադրամի ստեղծման մասին: Այն նախատեսված է կլիմայական փոփոխությունների դեմ պայքարի համար:

Հիմնադրամը հովանավորելու է գիտնականներին, ակտիվիստներին և ոչ կառավարական կազմակերպություններին՝ աջակցելով աշխարհի բնությունը փրկելու և պահպանելու իրական հնարավորություն ստեղծող ջանքերին: Բեզոսն անձամբ սեփական միջոցներից 10 մլրդ դոլար է փոխանցելու հիմնադրամին:

View this post on Instagram

Today, I’m thrilled to announce I am launching the Bezos Earth Fund.⁣⁣⁣ ⁣⁣⁣ Climate change is the biggest threat to our planet. I want to work alongside others both to amplify known ways and to explore new ways of fighting the devastating impact of climate change on this planet we all share. This global initiative will fund scientists, activists, NGOs — any effort that offers a real possibility to help preserve and protect the natural world. We can save Earth. It’s going to take collective action from big companies, small companies, nation states, global organizations, and individuals. ⁣⁣⁣ ⁣⁣⁣ I’m committing $10 billion to start and will begin issuing grants this summer. Earth is the one thing we all have in common — let’s protect it, together.⁣⁣⁣ ⁣⁣⁣ — Jeff

A post shared by Jeff Bezos (@jeffbezos) on Feb 17, 2020 at 10:00am PST

Ջեֆ Բեզոսի հայտարարությունը հիմնադրամի ստեղծման վերաբերյալ

Մոլորակի ամենահարուստ մարդկանցից մեկը հովանավորելու է նաև Breakthrough Energy հիմնադրամը, որն աջակցում է կանաչ էներգետիկայի և էկոլոգիապես մաքուր արտադրանքի ոլորտների նախագծերին: Breakthrough Energy-ն հիմնադրվել է 2015թ., Բիլ Գեյթսի կողմից: Բեզոսից բացի, այդ հիմնադրամին գումար են փոխանցում նաև Alibaba.com-ի հիմնադիր Ջեկ Ման, Facebook-ի հիմնադիր Մարկ Ցուկերբերգը և ֆինանսիստ Ջորջ Սորոսը:

Կլիմայական աղետների դեմ պայքարողներին ֆինանսական աջակցություն տրամադրելուց բացի, Բեզոսն անձամբ է ներդնում էկոլոգիական տենխոլոգիաներ: Նախորդ տարվա աշնանը գործարարը հայտարարել էր, որ իր կողմից ղեկավարվող Amazon-ը 2024թ. դառնալու է ածխածնային-չեզոք (հասնելու է ջերմոցային գազերի զրոյական արտանետման), իսկ 2030-ականներին ընկերության կորպորատիվ ամբողջ ենթակառուցվածքներն ամբողջությամբ անցնելու են վերականգնվող էներգիային:

Չնայած այդ ամենին, Բեզոսի վերաբերմունքն Amazon-ի՝ նույն նպատակադրումով շարքային աշխատակիցների նկատմամբ այնքան էլ բարեհամբույր չէ: Այսպես, ավելի վաղ «Amazon-ի աշխատակիցները՝ հանուն կլիմայական արդարության» հանրության անդամները հաղորդել էին ընկերության ղեկավարության կողմից հեռացման սպառնալիքների մասին: Միլիարդատիրոջ կողմից Bezos Earth Fund հիմնադրամի ստեղծմանն ի պատասխան՝ «Amazon-ի աշխատակիցները՝ հանուն կլիմայական արդարության»-ը սեփական հայտարարությունը տարածեց, որտեղ Բեզոսը մեղադրվում էր նավթագազային ընկերությունների հետ համագործակցության, ինչպես նաև ապրանքների մատակարարման համար դիզելային շարժիչով բեռնատարներ կիրառելու մեջ:

Նորություններ

# Amazon

# գլոբալ տաքացում

# Հիմնադրամներ

# Ջեֆ Բեզոս

Ամենաընթերցվածը

Այսօր

Այս շաբաթ

Այս ամիս

[miniorange_social_login]

Ջեֆ Բեզոսը 10 մլրդ դոլար է հատկացրել գլոբալ տաքացման դեմ պայքարի համար

Այս թեմայով

Ամենաընթերցվածը

Մեկնաբանությունները

Մեկնաբանություններ