Թուրքիան հայտարարել է, որ պատրաստ է դեպի Նախիջևան գազատարի կառուցմանը — Շեշտ.am (shesht.am)
2 րոպե
Խմբագրություն

Թուրքիան հայտարարել է, որ պատրաստ է դեպի Նախիջևան գազատարի կառուցմանը

Թուրքական կողմն ավարտել է Իգդիր-Նախիջևան 160 կմ-անոց գազատարի նախապատրաստման աշխատանքները և պատրաստ է գազատարի կառուցմանը, սպասում է միայն Ադրբեջանի հետ տեխնիկական մանրամասների համաձայնեցմանը:

Գազատարի կառուցում / © Sabah

Թուրքական կողմը, ինչպես հաղորդվում է, ավարտել է 160 կմ-անոց գազատարի նախապատրաստման աշխատանքները և պատրաստ է դեպի Նախիջևան գազատարի կառուցմանը, սպասում է միայն Ադրբեջանի հետ տեխնիկական մանրամասների համաձայնեցմանը:

Այդ երկրի էներգետիկայի նախարար Ֆաթիհ Դոնմեզը հայտարարել է, որ ադրբեջանական կողմի հետ տեխնիկական մանրամասների հստակեցումից հետո մեկնարկելու է գազատարի շինարարությունը:

Հայտնի է, որ գազատարը սկիզբ է առնելու Իգդիրից, որտեղ ավարտվում է Տրանսանատոլիական գազատարի ճյուղը: Հիշեցնենք` այդ գազատարը «Հարավային գազային միջանցքի» մի մասն է, Ադրբեջանից ձգվում է դեպի Վրաստան, այնտեղից` Թուրքիա` ադրբեջանական գազը հասնելով այդ երկիր, իսկ այնտեղից նաև` դեպի Եվրոպա: Նոր ուղղության հզորությունը տարեկան 500 մլն խմ է կազմելու: Նախագծի օպերատորները կլինեն Թուրքիայի և Ադրբեջանի պետական ընկերությունները` Botas-ը և Socar-ը:

Հիշեցնենք, որ դեռևս նախորդ տարվա դեկտեմբերի 15-ին այդ երկրների էներգետիկայի նախարարները հուշագիր են ստորագրել Թուրքիայից դեպի Նախիջևանի Ինքնավար Հանրապետություն բնական գազի մատակարարման վերաբերյալ:

Տեղեկացնենք նաև, որ ներկայումս Նախիջևանը գազը ստանում է Իրանի տարածքից, որն Ադրբեջանի հետ ունի Swap (փոխանակման) համակարգ. ադրբեջանական գազը մատակարարվում է իրանական Աստարա, իրանական գազը` Նախիջևան:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.