«ВЕСТИ»-ի հաղորդավարը եթերի ձայնագրման ժամանակ ծիծաղել է՝ խոսելով արտոնյալների վճարի բարձրացման մասին — Շեշտ.am (shesht.am)
4 րոպե
Խմբագրություն

«ВЕСТИ»-ի հաղորդավարը եթերի ձայնագրման ժամանակ ծիծաղել է՝ խոսելով արտոնյալների վճարի բարձրացման մասին

Տեսանյութը Համառուսաստանյան պետական հեռուստաընկերության YouTube-յան էջից ու սոցցանցերից հեռացված է: Կամչատկայի մասնաճյուղի տնօրենը նշել է, որ տեսանյութը տարածողի անունն ու պաշտոնը հայտնի է, բայց դա իրենց խնդիրն է:

Սքրինշոթ՝ տեսանյութից / ©tjournal.ru

Փետրվարի 9-ին համացանցում տարածվել էր «Վեստի-Կամչատկա» հաղորդման ձայնագրության տեսանյութը, որտեղ հաղորդավարուհի Ալեքսանդրա Նովիկովան պատմում է արտոնություն ստացողների վճարները 3%-ով ավելացնելու մասին: Հաղորդավարուհին չի կարողանում զսպել ծիծաղն այն բանից հետո, երբ հաղորդել է, որ դեղերի, դեպի առողջարաններ ուղեգրերի և միջազգային փոխադրման ինդեքսացիայից հետո աջակցությունը կկազմի 1,5 հազար ռուբլի՝ ամսական:

Սոցիալական ծառայությունների հավաքածուից արտոնյալը կարող է շուրջ 900 ռուբլի ծախսել դեղամիջոցների, 137 ռուբլի՝ ուղեգրի, իսկ մնացած գումարը՝ միջազգային փոխադրման վրա: Հենց այս արտահայտության վրա հաղորդավարուհին չի կարողացել զսպել ծիծաղն ու ներողություն է խնդրել գործընկերներից՝ նշելով, որ շատ է փորձել այս հատվածի վրա չծիծաղել:

Նովիկովան ուրախացել է, որ ուղիղ եթերում չի. ամենայն հավանականությամբ՝ այս դրվագը լուրերի թողարկման եզրափակիչ տարբերակում չի ներառվել: Հաղորդավարուհին իսկապես «Վեստին» է վարում, իսկ սրահը լուրերի հեռարձակման տաղավարն է:

Ալեքսանդրա Նովիկովայի ծիծաղի տեսարանը / ©tjournal.ru

Հեռուստահաղորդման Youtube-ի և «ВКонтакте»-ի էջերում տեղադրված տեսանյութերում սյուժետը բացակայում է, թեև եղել է: «Ուրախ» հաղորդավարուհու տեսանյութը սոցցանցերից նույնպես հեռացվում է:

​Տեսանյութը YouTube-ի էջից հեռացված է / ©tjournal.ru

Հաղորդավարուհին սխալվել է վճարման չափի և «միջազգային» տրանսպորտի մասին խոսելիս: 2020թ. փետրվարի 1-ից սոցիալական վճարները 3%-ով վերաինդեքսավորվել են արտոնյալների խմբի՝ հաշմանդամների, ռազմական գործողությունների վետերանների, ռադիացիայի ենթարկված քաղաքացիների, ԽՍՀՄ, ՌԴ և Սոցիալիստական աշխատանքի հերոսների համար:

Վճարի ընդհանուր չափը կազմում է 1155 ռուբլի 06 կոպեկ ամսական, որի մեջ ներառված են՝

1. Անհրաժեշտ դեղամիջոցներ՝ 889 ռուբլի 66 կոպեկ,
2. Առողջարանային բուժման ուղեգրեր՝ 137 ռուբլի 63 կոպեկ,
3. Անվճար ուղևորություն ներքաղաքային երկաթուղային տրանսպորտով, ինչպես նաև միջքաղաքային տրանսպորտով դեպի բուժման վայրը և հակառակ՝ 127 ռուբլի 77 կոպեկ:

Համառուսաստանյան պետական հեռուստաընկերության Կամչատկայի մասնաճյուղի տնօրեն Ալեքսեյ Կոստիլյովը հայտնել է, որ իրեն հայտնի է տեսանյութը սոցցանցում տեղադրողի անունը: Սակայն չի հրապարակել անունն ու պաշտոնը:

Նրա խոսքով՝ դեռ ոչ ոք պատժված չէ: Մեղավորները կգտնվեն և կպատժվեն: Ալեքսանդրայի համար տնօրենը դեռ տույժի ենթարկելու տարբերակներ չունի, բայց դրանք, Կոստիլյովի խոսքով, իրենց խնդիրներն են:

Ամենաընթերցվածը

5 րոպե
Խմբագրություն

Արմեն Պետրոսյանի խոսքով` Հայաստանում տևական ներքաղաքական ճգնաժամի ու քաղաքացիական պատերազմի չհասնելով` Ադրբեջանի իշխանությունները ձգտելու են բազմաքայլ կոմբինացիաների, համակողմանի՝ ռազմական, քաղաքական, մարդասիրական առավելագույն ճնշումների շանտաժի միջոցով հնարավորինս արագ հասնել իրենց առջև դրված խնդիրների լուծմանը։

1 րոպե
Խմբագրություն

Ֆրանսիայի նախագահ Էմանուել Մակրոնը Սիրիայի Քուրդիստանի ղեկավարության հետ հանդիպման ժամանակ պատրաստականություն է հայտնել տնտեսական և ռազմական աջակցություն ցուցաբերել ինքնավար շրջանին` «Իսլամական պետություն» ահաբեկչական կազմակերպության դեմ պայքարի համար:

4 րոպե
Խմբագրություն

Մեծ Բրիտանիայի առաջին անսպասելի զորավարժություններն անցկացվելու են 2022թ., որոնց նպատակը ռուսական կայծակնային հարձակմանը պատրաստվելն է: Մի քանի խմբերի բաժանվելով, վայրէջքի համար մայրուղիներն ու ավտոկայաններն օգտագործելով` ռուսական հրթիռների կողմից մեծ թվով ինքնաթիռների ոչնչացումը կբարդանա:

3 րոպե
Խմբագրություն

Տեղեկատվություն է տարածվել, թե Արևմուտքը պահանջում է ռուսական խաղաղապահ ուժերի դուրսբերում Արցախից: Նշվում է, որ Գյումրիի 102-րդ ռազմաբազան դուրս կբերվի Հայաստանից, իսկ ռուս խաղաղապահների փոխարեն կտեղակայվեն ֆրանսիական ուժեր:

2 րոպե
Խմբագրություն

Նախնական տվյալներով` տուժածների թիվը 15 է: Նրանցից երեքը հոսպիտալացվել են. վիճակները գնահատվում է միջին ծանրության: Մյուս 12-ը, ինչպես նշվում է, լուրջ վնասվածքներ չեն ստացել. նրանց ցուցաբերվել է անհրաժեշտ բուժօգնություն:

2 րոպե
Խմբագրություն

ՌԴ նախագահի խոսքով` «ոչ Հայաստանը, ոչ Ադրբեջանը, ոչ էլ Լեռնային Ղարաբաղի բնակիչները շահագրգռված չեն հակամարտության շարունակմամբ»:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.