Ճանապարհից հեռացվել է ադրբեջանական հենակետը. Հին Շենն ապաշրջափակվել է
Մեծ Շենից Հին Շեն տանող ճանապարհը 4 օր փակված է եղել ադրբեջանական ուժերի կողմից: Վերջիններս փորձել են մուտք գործել նաև գյուղ, որի բնակիչ-կամավորները բանակցել են, ինչի արդյունքում ադրբեջանցիները հետ են քաշվել: Արցախի հանրային ՀԸ-ն ռեպորտաժ է ներկայացրել:
Ադրբեջանական ուժերը փորձել են հայկական կողմի նկատմամբ ճնշում գործադրել Բերդաձորի ենթաշրջանի՝ Հին Շեն տանող ճանապարհի վրա հենակետ դնելով: Սակայն ռուսական խաղաղապահ զորակազմի միջամտության արդյունքում հաջողվել է ճանապարհից հեռացնել ադրբեջանական հենակետը և ապաշրջափակել գյուղը։
Մեծ Շենից Հին Շեն տանող ճանապարհը 4 օր փակված է եղել ադրբեջանական ուժերի կողմից: Վերջիններս փորձել են մուտք գործել նաև գյուղ, որի բնակիչ-կամավորները բանակցել են, ինչի արդյունքում ադրբեջանցիները հետ են քաշվել: Արցախի հանրային ՀԸ-ն ռեպորտաժ է ներկայացրել:
Հին Շենի բնակիչները, այդ թվում՝ կանայք և երեխաներ, շարունակում է բնակվել իրենց հայրենի գյուղում: Համայնքում այս պահին գտնվում են ինչպես ՊԲ-ի ներկայացուցիչներ, այնպես էլ ռուս խաղաղապահներ: Նրանք են ապահովում համայնքի բնակիչների անվտանգությունն ու նրանց անարգել անցուդարձը։
Հաղորդվում է, որ ներկայումս գյուղի մոտակա բարձունքներում տեղակայված են ադրբեջանական դիրքեր, միջդիրքային գոտում հաճախակի շփումներ են տեղի ունենում ռուս խաղաղապահների և ադրբեջանցի զինվորականների միջև:
Հավելենք, որ Կառավարության այսօրվա նիստում փոխվարչապետ Տիգրան Ավինյանը հայտնել է, որ նշված շրջանի հետ կապված որոշակի չլուծված հարց կա, ինչի հետ կապված առաջիկայում սպասվում են գործընթացներ: Գլխավոր շտաբի պետ Օնիկ Գասպարյանն Արցախում է, այս և այլ առաջնահերթ հարցերի կարգավորման նպատակով:
Մեկնաբանությունները