Իսրայելական և ամերիկյան միջուկային սուզանավերն ուղղություն են վերցրել դեպի Իրանի ափերը

ԱՄՆ-ի ռազմածովային ուժերի միավորումը, որի կազմում՝ Ohio USS Georgia (SSGN 729) ատոմային սուզանավը և Ticonderoga դասի հրթիռային երկու քրեյսերներ (USS Port Royal (CG 73) և USS Philippine Sea (CG 58)), դեկտեմբերի 21-ին անցել են Օրմուզի նեղուցը և մուտք գործել Պարսից ծոց: Միաժամանակ տեղեկություն է ստացվել, որ դեպի Իրանի ափեր է ուղևորվել նաև Իսրայելի ՌԾՈւ Dolphin տեսակի հարվածային սուզանավերից մեկը:

Փորձագետների կարծիքով՝ 2021թ. հունվարին ամերիկաիսրայելական ուժերը հրթիռային հարվածներ են հասցնելու Իրանին: Առաջին հերթին չեզոքացվելու է իրանցիների ՀՕՊ համակարգը, ինչից հետո հրթիռակոծվելու են Իրանի միջուկային արդյունաբերության թիրախները:

Հարձակման ընթացքում գործադրվելու է նաև ավիացիան: Համոզմունք կա, որ մեծ դերակատարում են ունենալու հատկապես իսրայելական սուզանավերը, որոնք պետք է արձակեն Popeye Turbo թևավոր հրթիռներ, հնարավոր է՝ փոքրացված հզորությամբ մարտագլխիկներով:

Dolphin-ը (տեսակը՝ 800) գերմանական մոդիֆիկացված դիզել-էլեկտրական 212 տեսակի սուզանավերի շարք է: Դրանք մշակվել են հատուկ Իսրայելի համար: Թել Ավիվն ունի երեք միավոր Batch 1 սերիայի և Batch 2 կատարելագործված տարբերակի (օդանկախ էներգետիկ համակարգով) սուզանավեր: Իսրայելական ռազմական գերատեսչությունը չի մեկնաբանել իր ստորջրյա ուժերի վերատեղակայման մասին տեղեկության արտահոսքը:

Dolphin սուզանավերն ունեն 6-10 տորպեդային սարքավորումներ՝ 533 մմ և 4-650 մմ: Նրանք սպառազինությունում կան տորպեդներ, ականներ, UGM-84C հականավային հրթիռներ (ՀՆՀ) և Popeye Turbo ծովային տեղակայման թևավոր հրթիռներ (ԾՏԹՀ): Վերջինի հեռահարությունը 1500 կմ է: Այս թևավոր հրթիռները կարող են կրել միջուկային մարտական մասեր՝ մինչև 200 կիլոտոննա, և արձակվում են 650 մմ-անոց տորպեդային համակարգից: Հնդկական օվկիանոսում՝ Պարսից ծոցի անմիջական հարևանությամբ, իսրայելցիները պարբերական սկզբունքով ունենում են 1-2 այդպիսի սուզանավ: