Հայաստանի համար Իրանի դեմ պատժամիջոցների չեղարկումը կարևոր նշանակություն կունենա
Իրանի դեմ պատժամիջոցներն ազդում են նաև Հայաստանի վրա. եթե Իրանը որոշակի ազատություն ստանա իր գործողություններում և սկսի զարգացնել տարածաշրջանային լոգիստիկան, ապա Հայաստանը կկարողանա տարանցիկ երկիր դառնալ:
Բայդենի վարչակազմը դիտարկում է Թրամփի կողմից Իրանի նկատմամբ սահմանված ամենախիստ պատժամիջոցների մեծ մասը չեղյալ համարելու հնարավորությունը: Այդպիսով` ԱՄՆ նախագահը դրանով կբավարարի Թեհրանի պահանջը և վերջինին կվերադարձնի միջուկային համաձայնագրի տիրույթ:
Համարվում է, որ միջուկային համաձայնագրին վերադառնալու Բայդենի մտադրությունը նոր չէ: Թրամփի հակաիրանական քաղաքականության խիստ կողմնակիցներն իրականում շատ չեն:
Աշխարհում գործնականում միայն Իսրայելն ու, մասամբ, Սաուդյան Արաբիան են նման քաղաքականության կողմնակից: Մյուս ազդեցիկ խաղացողները կցանկանային, որ մերձավորարևելյան այդ` բնական հարուստ ռեսուրսներով պետությունն ամեն դեպքում բաց լինի տնտեսական համագործակցության համար:
Իրանի դեմ պատժամիջոցներն, ինչպես նշվում է, Իրանից բացի` վնասում էին նաև Հայաստանին. եթե Իրանը որոշակի ազատություն ստանա իր գործողություններում և սկսի զարգացնել տարածաշրջանային լոգիստիկան, ապա Հայաստանը կկարողանա տարանցիկ երկիր դառնալ: Շուրջ 30-ամյա շրջափակման մեջ գտնվող Հայաստանի համար այդ հնարավորությունը կարող է մեծ շունչ դառնալ:
Մեկնաբանությունները