Ադրբեջանցի զինվորականները Նոր Ղազանչիի դաշտերից հետ են քաշվել
Արցախի Մարտակերտի շրջանի Նոր Ղազանչի համայնքի ուղղությամբ առաջ շարժված ադրբեջանցի զինվորականները ռուս խաղաղապահների միջնորդությամբ բանակցություններից հետո վերադարձել են նախնական դիրքերը, սակայն գյուղի 9 հեկտար վարելահող դեռ ադրբեջանցիների վերահսկողության տակ է:
Արցախի Մարտակերտի շրջանի Նոր Ղազանչի համայնքի ղեկավար Ռուսլան Առստամյանը հայտնել է, որ ադրբեջանցիները վերադարձել են իրենց նախնական դիրքերը: Գյուղապետի խոսքով` 9 հեկտար վարելահողեր մնացել են Ադրբեջանի վերահսկողության ներքո, իսկ լեռնային արոտավայրեր գյուղի տիրապետության տակ են:
Առստամյանը նշել է, որ ներկայումս գյուղի հիմնական խնդիրն անվտանգությունն է, սակայն մարդիկ հանգիստ են, խուճապ չկա: Գյուղացիները չեն լքել բնակավայրը. ընդհակառակը` 8 ընտանիք, թվով 44 հոգի, բնակություն են հաստատել Նոր Ղազանչիում:
Հիշեցնենք` մի քանի օր առաջ ադրբեջանական ուժերը մի քանի հարյուր մետր առաջ են շարժվել գյուղի ուղղությամբ` զբաղեցնելով մոտակա դաշտավայրերը: Ռուս խաղաղապահների միջնորդությամբ նրանք վերադարձել են իրենց նախնական դիրքերը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները