Մոսկվան Ադրբեջանի կողմից Մի-24 ուղղաթիռի խոցումը «միտումնավոր» է որակել
Նախկին՝ «անզգուշաբար մահվան հանգեցնելու» հոդվածը խստացվել է՝ փոխարինվելով «Երկու կամ ավելի անձանց միտումնավոր սպանություն» հոդվածով:
Ռուսաստանի ռազմական հետաքննությունը խստացրել է այն հոդվածը, որով քննվում էր ադրբեջանական ՀՕՊ-ի կողմից Հայաստանի տարածքում ռուսական Մի-24 ուղղաթիռի ոչնչացման գործը: Եթե նախկինում խոսքը ՌԴ ՔՕ 351 հոդվածի մասին էր («Թռիչքների կամ դրանց նախապատրաստության կանոնների խախտում, որն անզգուշաբար հանգեցրել է մահվան»), ապա այժմ գործը վերադասակարգվել է որպես «Երկու կամ ավելի անձանց միտումնավոր սպանություն»:
Հոդվածի խստացման վերաբերյալ որոշումը, ինչպես հաղորդվում է, կայացվել է հետաքննական-օպերատիվ գործողությունների արդյունքների հիման վրա: Գործի հետաքննության տևողության մասին տեղեկություններ չեն նշվում:
Որպես գործի բարդություն է ընդգծվել այն հանգամանքը, որ կասկածյալները գտնվում են այլ պետութան տարածքում:
Հիշեցնենք, որ ռուսական Մի-24 ուղղաթիռը խոցվել է նոյեմբերի 9-ի երեկոյան՝ Հայաստանի Երասխ գյուղի տարածքում, որը սահմանակից են ադրբեջանական Նախիջևանից: Բաքուն ստանձնել է պատասխանատվությունը՝ խոստանալով պատժել մեղավորներին, սակայն խոստումը դեռ չի իրականացվել:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները