Ազգային ժողովը կարող է ինքնալուծարվել. ասում են` նախագիծ է շրջանառվում — Շեշտ.am (shesht.am)
3 րոպե
Խմբագրություն

Ազգային ժողովը կարող է ինքնալուծարվել. ասում են` նախագիծ է շրջանառվում

Հնարավոր է համարվում, որ Սահմանադրության մեջ փոփոխություններ մտցվեն, ըստ որոնց` Ազգային ժողովը կարողանա ինքնալուծարվել և գնալ արտահերթ ընտրությունների` առանց վարչապետի հրաժարականի:

«Իմ Քայլը» խմբակցություն / © ՀՀ ԱԺ

Տեղեկություն է տարածվել, որ ՀՀ Ազգային ժողովի «Իմ Քայլը» խմբակցությունում Սահմանադրական փոփոխությունների նախագիծ է շրջանառվում, ըստ որի` հնարավոր կլինի ԱԺ-ն ցրել (ինքնալուծարել) առանց վարչապետի հրաժարականի: Ներկայումս գործող կարգավորմամբ Ազգային ժողովը կարող է լուծարվել վարչապետի հրաժարականի և 2 անգամ նոր վարչապետ չընտրելու պարագայում:

Նախատեսվում է, որ, ըստ տեղեկությունների, 92-րդ հոդվածում կկատարվի լրացում, որի համաձայն` Ազգային ժողովը կկարողանա արտահերթ նիստ հրավիրել և պատգամավորների թվի երեք հինգերորդի որոշմամբ ԱԺ-ի արձակվելու մասին որոշում ընդունել:

Գործող կարգավորմամբ` Ազգային ժողովի արտահերթ ընտրությունն անցկացվում է ոչ շուտ, քան երեսուն, և ոչ ուշ, քան քառասունհինգ օր հետո: Հնարավոր է համարվում` ամրագրվի, որ ԱԺ արտահերթ ընտրությունն անցկացվում է Ազգային ժողովի արձակվելուց ոչ շուտ, քան քառասուն, և ոչ ուշ, քան հիսունհինգ օր հետո:

Հիշեցնենք, որ վարչապետ Նիկոլ Փաշինյանն ավելի վաղ հայտարարել էր արտահերթ ընտրությունների անցկացման հարցով խորհրդակցություններ սկսելու մասին: Ընդդիմադիր խմբակցությունները, սակայն, չեն ընդունել Փաշինյանի առաջարկը` պահանջելով նրա հրաժարականը: Սակայն այդ դեպքում հնարավոր կլինել ԱԺ-ում ընտրել նոր վարչապետ` առանց ԱԺ-ի կազմի փոփոխության:

Ընդդիմադիր ուժերը մտահոգություն են հայտնում, որ Նիկոլ Փաշինյանի` վարչապետի պաշտոնում գործելու դեպքում հնարավոր է` ընտրությունները կեղծվեն, սակայն հասարակական լայն զանգվածները և իշխող քաղաքական ուժը հիշեցնում է, որ ընդդիմադիր ուժերն են նախկինում բազմիցս կեղծել ընտրությունները:

Ամենաընթերցվածը

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

4 րոպե
Խմբագրություն

«Ռեալիստի» գլխավոր խմբագրի համոզմամբ` «Զանգեզուրի միջանցքն» աշխարհաքաղաքական «տուրք» է, որը Կրեմլը վճարում է Ռուսաստանի վրա չհարձակվելու երաշխիքի դիմաց: Նրա խոսքով` Արարատի մարզում ռուսական ուղղաթիռի խոցումն Անկարայի կողմից Մոսկվային ուղղված ուղիղ սպառնալիք է հենց այդ համատեքստում:

1 րոպե
Խմբագրություն

Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:

4 րոպե
Խմբագրություն

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

3 րոպե
Խմբագրություն

Կուսակցություններից մեկի Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար նույն գրասենյակի քարտուղար Ս. Զ.-ի՝ Գավառ քաղաքում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:

1 րոպե
Խմբագրություն

Հաղորդվում է, որ ապօրինի գույքի բռնագանձման մասին օրենքն առաջին անգամ գործի է դրվել: Վլադիմիր Գասպարյանին և նրա հետ կապված անձանց պատկանող 4 առանձնատուն է բռնագանձվել, 2 բնակարան, 3 հողակտոր, 4 մեքենա, 1 ավտոտնակ: Սերոբ Հարությունյանը և նրա «զինակիցները» զրկվել են 2 բնակարանից, Հյուսիսային պողոտայի 2 կայանատեղիներից, 1 մեքենայից և 1 անշարժ գույքից:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.