Covid-19-ով վարակվածների թիվը ՀՀ-ում ավելացավ 65-ով
Հայաստանում վերջին 24 ժամում կորոնավիրուսից մահացության նոր դեպք չի գրանցվել: Առողջացել է 34 մարդ, փաստացի բուժում են ստանում 1000-ը:
Նոր տեսակի կորոնավիրուսով վարակվածների թիվը Հայաստանում հասել է 1932-ի: Նախորդ օրվա ընթացքում հաստատվել է վարակվածության 65 նոր դեպք:
Մահացության նոր դեպք չի գրանցվել: Կորոնավիրուսից մահացությունների թիվը 30 է. Առողջապահության նախարարության հաղորդմամբ՝ կորոնավիրուսով վարակված քաղաքացիներից երկուսը մահացել են, սակայն մահվան պատճառն այլ հիվանդություններն են եղել:
Առողջացել և հիվանդանոցից դուրս է գրվել 34 մարդ: Առողջացածների ընդհանուր թիվն, այսպիսով, հասել է 900-ի: Ապրիլի 28-ին կատարվել է ընդհանուր առմամբ 893 թեստավորում, որից 828-ը բացասական են եղել:
Նախարար Արսեն Թորոսյանը նշել է, որ վերջին օրերին հիվանդության աճի տեմպը գրեթե նույնն է` 3-5% սահմաններում: Աճի կորի հարթեցումը, նախարարի խոսքով, որոշակիորեն հաջողվել է: Որոշակիորեն հաջողվել է նաև ժամանակ շահել և վերադասավորվել` հիվանդության դեմ պայքարի ավելի կազմակերպված համակարգ ունենալու համար:
Թորոսյանը նշել է, որ սահմափակումների թուլացումը չի նշանակում, որ այլևս վտանգ չկա վարակվելու և վարակելու ուրիշներին, հատկապես տարեց և խրոնիկ հիվանդություններով հարազատներին, հայրերին և մայրերին, տատիկներին և պապիկներին:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները