Էդմոն Մարուքյանն առաջարկում է Սյունիքում ռուսական նոր ռազմաբազա ստեղծելու վերաբերյալ հրատապ բանակցություններ սկսել
«Լուսավոր Հայաստան» խմբակցության ղեկավարը կենսական անհրաժեշտություն է համարում Սյունիքի մարզում ռուսական նոր ռազմաբազայի տեղակայման վերաբերյալ հրատապ բանակցություններ սկսելը՝ անհրաժեշտ համարելով անվտանգային բնույթի նոր պայմանագիր կնքել Ռուսաստանի Դաշնության հետ:
«Լուսավոր Հայաստան» կուսակցության նախագահ Էդմոն Մարուքյանի հայտարարություն է տարածել` անդրադառնալով Սյունիքի մարզում ստեղծված անվտանգային իրավիճակին։
Մարուքյանը հիշեցրել է, որ դեռևս դեկտեմբերի 5-ին հայտարարել էր, որ անհրաժեշտ է անվտանգային բնույթի նոր պայմանագիր կնքել Ռուսաստանի Դաշնության հետ: Սյունիքի մարզում ի հայտ եկած նոր մարտահրավերներով պայմանավորված՝ Էդմոն Մարուքյանն անդրադարձել է այն հարցին, թե ինչպիսի՞ն պետք է լինի Ռուսաստանի հետ անվտանգային նոր պայմանագիրը կամ ռուսական նոր ռազմաբազան ինչպե՞ս կապահովի Սյունիքի անվտանգությունը։
Նրա խոսքով՝ Արցախյան 2-րդ պատերազմն էականորեն փոխել է Հարավային Կովկասում առկա աշխարհաքաղաքական դրվածքները, կոտրել Հայաստանի՝ վերջին 26 տարիների ընթացքում ունեցած անվտանգության համակարգը։ Մարուքյանը հիշեցրել է նախորդ տասնամյակներում գոյություն ունեցած ռազմաքաղաքական զսպումների և հակակշիռների մեխանիզմները, որոնք թուրք-ադրբեջանական կործանիչ հարվածի տակ հայտնվեցին՝ խլելով հազարավոր մարդկային կյանքեր, խեղելով տասնյակ հազարավոր զինծառայողների և քաղաքացիական անձանց առողջությունը, անօթևան թողնելով տասնյակ հազարավոր խաղաղ բնակիչների, սպառնալիքի տակ թողնելով նոր քաղաքներ ու այլ տարածքներ։
Մարուքյանն ընդգծել է ռազմական գործողությունները դադարեցնելու գործում Ռուսաստանի Դաշնության որոշիչ դերակատարումը: «Հայ ժողովուրդը գնահատում է ու խորապես շնորհակալ է նրա համար, թե ինչ հաստատուն կերպով ռուս խաղաղապահը կանգնեց մեր զինվորների և բնակչության կողքին». նշված է հայտարարությունում։
Էդմոն Մարուքյանը շեշտել է, որ Հայաստանի Հանրապետությունը և Ռուսաստանի Դաշնությունը գտնվում են միևնույն անվտանգային գոտում: Լուսավոր Հայաստան կուսակցությունն առաջարկում է Հայաստանի և Ռուսաստանի միջև խորացված ռազմաքաղաքական փոխգործակցության մեկ լայն պայմանագրում միավորել հետևյալ միջպետական պայմանագրերը՝ ժամանակակից ռիսկերի և սպառնալիքների վերագնահատմամբ.
– Հայաստանի Հանրապետության և Ռուսաստանի Դաշնության միջև Հայաստանի Հանրապետության տարածքում գտնվող Ռուսաստանի Դաշնության սահմանապահ զորքերի կարգավիճակի ու նրանց գործունեության պայմանների մասին պայմանագիր (1992թ.),
– Հայաստանի Հանրապետության և Ռուսաստանի Դաշնության միջև բարեկամության, համագործակցության և փոխադարձ օգնության մասին պայմանագիր (1997թ.),
– Հայաստանի Հանրապետության և Ռուսաստանի Դաշնության միջև համատեղ անվտանգության ապահովման նպատակով զորքերի (ուժերի) կիրառման համատեղ պլանավորման հարցերի մասին համաձայնագիր (2000թ.),
– Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին համաձայնագիր (2015թ.),
– Հայաստանի Հանրապետության զինված ուժերի և Ռուսաստանի Դաշնության զինված ուժերի զորքերի (ուժերի) Միացյալ խմբավորման մասին համաձայնագիր (2016թ.)։
Մարուքյանն առաջարկում է նոր պայմանագրում հատուկ տեղ հատկացնել Սյունիքի մարզի անվտանգությանը։ Նշվում է, որ Արցախում ռազմական-ռազմավարական դիրքերի փոփոխությունները Սյունիքում խաղաղ և անվտանգ կյանքի համար մի շարք սպառնալիքներ է ստեղծել: Մարուքյանն այստեղ ընդգծում է Մեղրի քաղաքը և հարակից բնակավայրերը, Կապան քաղաքի շրջանի վարչական և տնտեսական կենտրոնի սահմանային դիրքերը, Գորիս քաղաքը և և մի շարք հարակից համայնքներ (մասնավորապես՝ Շուռնուխ, Որոտան, Տեղ, Խնձորեսկ, Ներքին Խնձորեսկ, Դավիթ Բեկ), ինչպես նաև ԵԱՏՄ երկրներն Իրանին կապող Գորիս-Կապան միջպետական ավտոմայրուղին, որոնք հայտնվել են ադրբեջանական ուժերի անմիջական դիտարկման գոտում:
Այս կապակցությամբ կուսակցության ղեկավարը կենսական անհրաժեշտություն է համարում Սյունիքի մարզում ռուսական նոր ռազմաբազայի տեղակայման վերաբերյալ հրատապ բանակցություններ սկսելը։ «Ռազմաբազան կդառնա մի կողմից՝ Արցախում ռուսական խաղաղապահ ուժերի արդյունավետ, արագ և շարժուն գործունեության հենարան, մյուս կողմից՝ տարածաշրջանում երկարաժամկետ խաղաղության և անվտանգության երաշխավոր»:
Հայտարարությունում նշվում է, որ «Լուսավոր Հայաստան» կուսակցությունը սկսել է առաջարկվող պայմանագրի և Սյունիքում ռուսական նոր ռազմաբազայի տեղակայման վերաբերյալ հիմնական դրույթների մշակումը, և պատրաստվում են ակտիվորեն առաջ մղել տվյալ մեխանիզմի իրագործումը՝ քաղաքացիների անվտանգ կյանքի ապահովումն առաջնային խնդիր գնահատելով:
Telegram 
Facebook 
Google News Ֆիզիկոսների տեսական հաշվարկները ցույց են տվել, որ լույսի քվանտային տատանումները կարող են փոխել ատոմներից արձակվող էլեկտրոնների ազդանշանը։ Այդ փոփոխությունը չափման մեջ կարող է երևալ որպես մի քանի տասնյակ ատտովայրկյանի լրացուցիչ ուշացում՝ լույսի հատկությունները հետազոտելու նոր հնարավորություն տալով։
Միկրոպլաստիկի մասնիկները ջրում կարող են ինքնաբերաբար առաջացնել թթվածնի ակտիվ ձևեր, այդ թվում՝ հիդրօքսիլ ռադիկալներ։ Նոր լաբորատոր հետազոտությունը բացահայտում է հնարավոր մեխանիզմ, որով պլաստիկի մանր մասնիկները կարող են վնասել կենսաբանական մոլեկուլներն ու բջիջները։
Tesla-ն ցուցադրել է նոր սերնդի Roadster էլեկտրական սպորտային մեքենան, որի Rocket տարբերակը կարող է օդ բարձրանալ և պտույտներ կատարել։ Համակարգում համատեղվել են ճանապարհին սեղմող ուժ ստեղծող օդափոխիչներն ու սեղմված գազով աշխատող ռեակտիվ շարժիչները։
Հայաստանի առողջապահության նախարարությունը պայմանական թույլտվություն է տվել ամերիկյան Agenus ընկերության Botvymo և Evamplix դեղամիջոցների համատեղ կիրառմանը՝ աղիների քաղցկեղի որոշակի տեսակի բուժման համար։ Ընկերության հաղորդմամբ՝ սա երկու դեղամիջոցների առաջին պաշտոնական գրանցումն է աշխարհում։
Գիտնականներն ուսումնասիրել են Սուրբ Հեղինե կղզում ապրող Ջոնաթան հսկա կրիայի գենոմն ու գեների ակտիվությունը կարգավորող քիմիական նշումները։ Ըստ գնահատականների՝ 194 տարեկան կենդանու մոտ հայտնաբերված որոշ առանձնահատկություններ կարող են առնչվել նրա երկարակեցությանը, սակայն այդ կապը դեռ ապացուցված չէ։
Էկվադորի Ամազոնիայում հայտնաբերված Taczanowskia waska սարդի մարմնի ելուստները սնկային գոյացություններ են հիշեցնում։ Հետազոտողների վարկածով՝ այդ նմանությունը կարող է օգնել նրան խուսափել գիշատիչներից կամ աննկատ որսալ։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները