Իրանում 23 պատգամավոր վարակված է կորոնավիրուսով

Մեջլիսի փոխխոսնակը նորընտիր պատգամավորներին կոչ է արել դադարեցնել հանդիպումները քաղաքացիների հետ՝ կորոնավիրուսի տարածմանը չնպաստելու համար:

Նորություններ

# COVID-19

# Իրան

# Համաճարակներ

# Պատգամավորներ

Իրանի Իսլամական Հանրապետության Մեջլիս / ©Reuters / Հեղինակ՝ անհայտ, լուսանկարը տրամադրել է օգտատերը

Իրանի Մեջլիսի (խորհրդարան) փոխխոսնակ Աբդուլ Ռըզա Մըսրին հայտնել է, որ պատգամավորներից 23-ը Covid-19-ով են վարակված. նոր տեսակի կորոնավիրուսը հաստատվել է թեստավորման արդյունքում:

Նրա խոսքով՝ այդ պատգամավորները հաճախ են հանդիպումներ ունենում բնակչության հետ, ինչը կարող է հանգեցնել կորոնավիրուսի տարածման: Փոխխոսնակը նորընտիր պատգամավորներին կոչ է արել դադարեցնել հանդիպումները քաղաքացիների հետ՝ վիրուսը չտարածելու համար:

Հավելենք, որ այս պահի դրությամբ Իրանում նոր տեսակի կորոնավիրուսով վարակվածների թիվն անցել է 1,5 հազարից: Մահացել է 66 մարդ, առողջացել են մոտ 3 հարյուրը: Կորոնավիրուսի դեմ պայքարի համար Չինաստանը, որտեղ բռնկվել էր վիրուսը, նյութական և մասնագիտական աջակցություն է տրամադրել Իրանին: Ռուսաստանը նույնպես աջակցության պատրաստականություն է հայտնել:

Հիշեցնենք, որ Իրանում խորհրդարանական ընտրությունները տեղի էին ունեցել ս.թ. փետրվարի 21-ին: Մեջլիսի պատգամավորները 290-ն են:

Վրիպա՞կ գտաք։ Նշեք հատվածը և սեղմեք Ctrl + Enter։