Կասպից ծովի ադրբեջանական հատվածում խոշոր պայթյուն է տեղի ունեցել — Շեշտ.am (shesht.am)
2 րոպե
Խմբագրություն

Կասպից ծովի ադրբեջանական հատվածում խոշոր պայթյուն է տեղի ունեցել

Ադրբեջանական նավթային պետական ընկերությունը` SOCAR-ը, հայտարարել է, որ Դաշլի կղզում տեղի ունեցած պայթյունը կապված չէ նավթարդյունահանման հետ: Հավանական պատճառ է նշվել կեղտային հրաբխի ժայթքումը: Հրդեհի մարման աշխատանքները դեռ շարունակվում են:

Պայթյուն Կասպից ծովում / © Ibrahim Ahmadov

Կասպից ծովի ադրբեջանական հատվածում գիշերը խոշոր պայթյուն է տեղի ունեցել: Ականատեսների հրապարակած տեսանյութերում ու լուսանկարներում երևում է, որ պայթյունից հետո բռնկված հրդեհը երկար ժամանակ չի մարել:

Պայթյունը տեղի է ունեցել Դաշլի կղզում` ափից մոտ 30 կմ հեռավորության վրա (Բաքվից` մոտ 80 կմ դեպի հարավ):

Նավթային պետական ընկերության` SOCAR-ի նախնական տվյալներով` գազային հրաբուխ է ժայթքել: Ավելի վաղ տեղեկություն էր տարածվել, որ ադրբեջանական նավթարդյունաբերական հարթակ է պայթել:

Պայթյուն Կասպից ծովում / © РБК

Հաղորդվել է, որ ընկերության վերահսկողության ներքո գտնվող ծովային հարթակներում և արդյունաբերական օբյեկտներում վթար տեղի չի ունեցել: Կասկած է հայտնվել, թե պայթյունի պատճառը կարող է լինել ծովում կեղտային հրաբխի ժայթքումն է:

Ադրբեջանական պետական այլ մարմիններ նույնպես շտապել են հայտարարել, թե Կասպից ծովի նավթային ենթակառուցվածքներում արտակարգ դեպքեր չեն գրանցվել, սակայն նշվել է, որ պայթյունի պատճառները դեռ հետաքննվում են:

Պայթյուն Կասպից ծովում / © Новости Армении и Азербайджана

Ադրբեջանական սոցցանցերում մեկ այլ վարկած էր առաջ քաշվել, ըստ որի`Կասպից ծովում տանկեր է պայթել: Ադրբեջանի ծովային նավագնացության պատասխանատուների կողմից այս վարկածը նույնպես հերքվել է:

SOCAR-ն ավելի ուշ հայտարարություն տարածեց, ըստ որի` հրդեհի մարման աշխատանքները դեռ շարունակվում են:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.