Թուրքիան Ադրբեջանում ռազմաբազաներ կարող է տեղակայել
Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:
Թուրքիայի նախագահը հայտարարել է, որ Ադրբեջանում կարող են տեղակայվել թուրքական ռազմաբազաներ: Էրդողանը նշել է, որ այդ երկրում ռազմական բազաների տեղակայումը նախատեսված է Ալիևի հետ ստորագրած համաձայնություններում:
Ադրբեջանում ռազմաբազաների տեղակայման ժամկետներ չեն նշվել, սակայն Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ:
Էրդողանի խոսքով` «բանակցությունների արդյունքում դա կարող է իրականացվել յուրովի»:
Հիշեցնենք` Թուրքիայի և Ադրբեջանի նախագահները հունիսի 15-ին Արցախի օկուպացված տարածքում` Շուշիում, դաշնակցային հռչակագիր են ստորագրել: Դրանում արձանագրված է, որ երրորդ երկրների կողմից ագրեսիայի դեպքում կարող են համատեղ գործողություններ ձեռնարկել:
Մեկնաբանությունները