Դավիթ Շահնազարյանն ասում է` ռազմագերիները 235-ն են
Շահնազարյանի համոզմամբ` Մարալ Նաջարյանը պահվում է Բաքվից մոտ 70 կմ հեռավորության վրա գտնվող Գուբիստանի բանտի 3-րդ մասնաշենքի, 2-րդ հարկի 213 խցում:
Ազգային անվտանգության ծառայության (ԱԱԾ) նախկին տնօրեն Դավիթ Շահնազարյանը հայտարարել է, որ ներկայումս Ադրբեջանում պահվող հայ ռազմագերիների թիվը 235 է: Նրանց թվում, Շահնազարյանի խոսքով, կան քաղաքացիական անձինք և կանայք:
ԱԱԾ նախկին տնօրենը խոսել է նաև լիբանանահայ Մարալ Նաջարյանի գերեվարության մասին: Հայտնի է, որ Ադրբեջանը պաշտոնապես ընդունել է նրա` գերի լինելու փաստը: Շահնազարյանի համոզմամբ` Մարալ Նաջարյանը պահվում է Բաքվից մոտ 70 կմ հեռավորության վրա գտնվող Գուբիստանի բանտի 3-րդ մասնաշենքի, 2-րդ հարկի 213 խցում:
Շահնազարյանը հայտնել է, ըստ Ադրբեջանի, Բաքվում պահվում է 171 ռազմագերի և 64 «ահաբեկիչ»: Նա պնդել է, որ իշխանություններից պահանջում է հրապարակել անհետ կորածների և գերիների միասնական ցուցակը:
ԱԱԾ նախկին տնօրենի խոսքով՝ տարբեր գնահատականներով՝ հայկական կողմի զոհերի թիվը 6000-ից ավելի է: Հիշեցնենք, որ այսօր ՀՀ Ազգային ժողովում Կառավարության հետ հարցուպատասխանի ժամանակ փոխվարչապետ Տիգրան Ավինյանը նշել է, որ զոհերի վերջնական թիվը չի անցնի 4 հազարից:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները