Ադրբեջանցիները հայ ռազմագերուն սպանել են

Էրիկ Մխիթարյանի գերության հանգամանքը հավաստող տեսանյութն ադրբեջանական սոցիալական ցանցերում տարածվել էր դեռևս նոյեմբերի 24-ին: Գերեվարված զինծառայողի մահվան լուրը հաստատվել է ապրիլի 8-ին. աճյունը նույնականացնելու համար երեք անգամ ԴՆԹ է անցկացվել:

Նորություններ

# Ադրբեջան

# Գերիներ

# Զինծառայողներ

# Սպանություններ

Ադրբեջանցիները սպանել են հայ ռազմագերուն / © Iravaban.net / Հեղինակ՝ անհայտ, լուսանկարը տրամադրել է օգտատերը

Ապրիլի 8-ին հաստատվել է ադրբեջանցիների կողմից գերեվարված Էրիկ Մխիթարյանի մահվան լուրը: Զինծառայողի դին հայտնաբերվել է որոնողական աշխատանքների ժամանակ: Հաղորդվում է, որ երեք անգամ ԴՆԹ հետազոտություն է անցկացվել, երեքն էլ դրական պատասխան են ունեցել:

Էրիկ Մխիթարյանի գերության հանգամանքը հավաստող տեսանյութն ադրբեջանական սոցիալական ցանցերում տարածվել էր դեռևս նոյեմբերի 24-ին:

Ընտանիքի անդամները Էրիկի վերադարձման պահանջով ու ակնկալիքով դիմել էին Կարմիր խաչի հայաստանյան գրասենյակ, Մարդու իրավունքների պաշտպանին, բոլոր հնարավոր կառույցներին ու խնդրով զբաղվող անձանց: Թեև նրա գերեվարման մասին տեսանյութերը հենց ադրբեջանցիներն էին հրապարակել, այդուհանդերձ` Կարմիր խաչի հարցումներին դրական պատասխան չեն տրամադրել` հերքելով Էրիկի գերեվարման փաստը:

Լոռու մարզի Կաթնաջուր գյուղի բնակիչ, 2020թ. հուլիսի 8-ին զորակոչված 18-ամյա Էրիկ Մխիթարյանը թուրք-ադրբեջանական ահաբեկչական ուժերի կողմից Արցախի դեմ սանձազերծած պատերազմի ժամանակ մարտական գործողություններին մասնակցել է Մեխակավանում (Ջրական), Արա Լեռում և Հադրութում: Վերջին անգամ ընտանիքի հետ կապ է հաստատել հոկտեմբերի 8-ին` Հադրութի դպրոցից:

Վրիպա՞կ գտաք։ Նշեք հատվածը և սեղմեք Ctrl + Enter։