ՄԱԿ-ը չի արձագանքել Արցախում ականազերծմանը մասնակցելու ռուսական առաջարկին
ՌԴ պաշտպանության նախարար Սերգեյ Շոյգուի խոսքով` նոյեմբերին հրադադարի հաստատումից հետո դիմել են ՄԱԿ-ի ականազերծման կենտրոնին, սակայն մինչ օրս այդ միջազգային կառույցից մասնագետներ չեն ժամանել Արցախ:
Ռուսաստանի պաշտպանության նախարար, բանակի գեներալ Սերգեյ Շոյգուն հայտարարել է, որ Միավորված ազգերի կազմակերպությունը (ՄԱԿ) չի արձագանքել Ռուսաստանի առաջարկությանը` մասնակցելու Լեռնային Ղարաբաղի ականազերծման աշխատանքներին:
Շոյգուի խոսքով` նոյեմբերին հրադադարի հաստատումից հետո դիմել են ՄԱԿ-ի ականազերծման կենտրոնին, սակայն մինչ օրս այդ միջազգային կառույցից մասնագետներ չեն ժամանել Արցախ: ՌԴ պաշտպանության նախարարը նշել է, որ դեռևս նոյեմբերին են տեղեկցրել, որ Արցախում ամենուր ականապատված է, «մարդիկ չեն կարողանում վերադառնալ»:
Արդյունքում` ներկայումս Արցախում ականազերծման աշխատանքներ իրականացնում են միայն ռուս սակրավորները: Ականազերծման աշխատանքներում ներգրավված են ինչպես տեղի սակրավորները, այնպես էլ ՌԴ արտակարգ իրավիճակների և պաշտպանության նախարարության մասնագետները:
Մեկնաբանությունները