Լուկաշենկոն նախագահության 25 տարիների ամենակարևոր որոշումներից մեկն է կայացրել
Բելառուսի նախագահի խոսքով` կայացված որոշումը, որն առաջիկայում կհրապարակվի, իր պաշտոնավարման ընթացքում ընդունված ամենասկզբունքային որոշումներից է: Հիշեցնենք` ապրիլի 22-ին նախատեսվում է Լուկաշենկոյի այցը Մոսկվա: Նախանշվում է, որ «շատ լուրջ հանդիպում է կայանալու», որին նախորդելու է Պուտինի ուղերձը:
Բելառուսի նախագահ Ալեքսանդր Լուկաշենկոն հայտարարել է, որ քառորդ դար զբաղեցնելով երկրի ղեկավարի պաշտոնը` կայացրել է ամենակարևոր որոշումներից մեկը:
Մանրամասներ Լուկաշենկոն չի հայտնել, սակայն հավանական է համարել, որ այն կհրապարակվի դեկրետի տեսքով:
Բելառուսի նախագահի խոսքով` կայացված որոշումը, որն առաջիկայում կհրապարակվի, իր պաշտոնավարման ընթացքում ընդունված ամենասկզբունքային որոշումներից է:
Լուկաշենկոն իր կայացրած կարևոր որոշման մասին նաև հայտնել է, որ դրա իրականացման դեպքում իշխանության ընդդիմադիրների մոտ «ոչինչ չի ստացվի»:
Հավելենք, որ օրեր առաջ Մինսկ էր այցելել ՌԴ վարչապետ Միխայիլ Միշուստինը, իսկ ապրիլի 22-ին նախատեսվում է Լուկաշենկոյի այցը Մոսկվա: Մամուլը նախանշում է, որ «շատ լուրջ հանդիպում է կայանալու», որին նախորդելու է Դաշնային ժողովին ուղղված ուղերձը:
Վալենտինա Մատվիենկոն նույնպես այն համարել է «կարևորագույն քաղաքական և հասարակական իրադարձություն, որն առանձնահատուկ նշանակություն է ունենալու»:
Ուշագրավ է, որ այս ամենին զուգահեռ տեղեկություններ են տարածվել ամերիկացիների կողմից Լուկաշենկոյի ֆիզիկական չեզոքացման նախապատրաստության մասին: Համարվում է, որ Պուտինի ուղերձից առաջ դրա տարածումը պատահական չի. դրանք փոխկապակցված են:
Մեկնաբանությունները