Թուրք հաղորդավարը փոքրամասնություններին, այդ թվում՝ հայերին, կոչ է արել լքել երկիրը
Սիրիայում թուրքական ռազմագործողության արդարացմանը նվիրված ելույթում հաղորդավարը նշել է, որ եթե մարդն իրեն համարում է ռուսի, անգլիացու թոռ, գերմանացու որդի, հայի վաստակ... ապա պետք է հեռանա Թուրքիայից:
Թուրքիայի Ուրֆայի քաղաքի տեղական հեռուստաալիքներից մեկի հաղորդավարը հանդես է եկել քսենոֆոբիական ելույթով: Փորձելով արդարացնել թուրքական ռազմական գործողությունները սիրիական Իդլիբում՝ նա Թուրքիայում բնակվող ոչ թուրքերին, այդ թվում՝ հայերին, պահանջել է լքել երկիրը:
Հաղորդավարի խոսքով՝ կարող են գտնվել մարդիկ, ովքեր այս երկիրն իրենց հայրենիք չեն համարում, ազգն իրենցը չեն համարում: Նա նշել է, որ սա հիանալի հնարավորություն է այդ մարդկանց համար՝ խորհուրդ տալով փախստականի կարգավիճակ ընդունել և լքել երկիրը:
Կոպիտ արտահայտվելով Թուրքիայում բնակվող փոքրամասնությունների հանդեպ՝ հաղորդավարը կոչ է արել իրենց ռուսի թոռ, գերմանացու որդի, անգլիացու թոռ, հայի վաստակ համարողներին հեռանալ Թուրքիայից:
Հավելենք, որ ներկայումս Թուրքիայի հարավային շրջաններում և հատկապես Քահրամանմարաշ քաղաքում ճնշումներ են գործադրվում տեղի սիրիացի բնակչության նկատմամբ, վնասվում և ոչնչացվում է նրանց ունեցվածքը: Միևնույն ժամանակ թուրքական ստորաբաժանումները Սիրիայի տարածքում պատերազմում են այդ երկրի կառավարական զորքերի դեմ:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները