Իդլիբի ռազմական միջադեպից 16 ժամ հետո սոցցանցերի աշխատանքը Թուրքիայում վերականգնվել է
Ենթադրվում է, որ սոցցանցերի արգելափակման պատճառը զոհերի քանակի մասին ոչ հավաստի տեղեկությունների տարածումը կանխելն է եղել:
Թուրքական օպերատորներն ապաարգելափակել են Facebook, Twitter, Instagram և YouTube սոցցանցերի հասանելիությունը:
Կայքերն արգելափակվել էին փետրվարի 27-ին՝ Սիրիայի Իդլիբի շրջանում հակամարտության սրմանը զուգահեռ: NetBlocks-ի տվյալներով՝ արգելքը վերաբերել է Instagram-ին, Twitter-ին, Facebook-ին ու WhatsApp-ին:
Մոնիթորինգային կազմակերպությունը նշել է, որ օգտատերերի մեծ մասի մոտ հասանելիությունը վերականգվել է տեղի ժամանակով ժամը 17:00-ին: Տեղի ունեցածի տևողությունը կազմել է 16 ժամ:
Փետրվարի 27-ին Սիրիան Իդլիբում ռազմական գործողություններ էր իրականացրել, որոնց զոհ էր դարձել 33 թուրք զինծառայող: Թուրքիան պատասխան հարված էր հասցրել սիրիական բանակին: Դրանից հետո թուրքական օպերատորներն արգելափակել էին մի քանի սոցցանցերի հասանելիությունը: Ենթադրվում է, որ պատճառը զոհերի մասին ոչ հավաստի տեղեկությունների տարածումը կանխելն է եղել:
Մեկնաբանությունները