102-րդ ռազմաբազայի ուժերը տեղաշարժվում են. Կարսում զորավարժություններ են
Տեսանյութում երևում է, որ ռուսական 102-րդ ռազմաբազայի ուժերը դուրս են բերվում մշտական տեղակայման վայրից: Գործողությունների պատճառ են համարվում այսօրվանից Կարսի մարզում մեկնարկած թուրք-ադրբեջանական զորավարժությունները:
Տեղեկություն է ստացվել, որ Գյումրիում տեղակայված ռուսական 102-րդ ռազմաբազայի ուժերը դուրս են բերվում մշտական տեղակայման վայրից: Գործողությունների պատճառ են համարվում այսօրվանից Թուրքիայի տարածքում` Շիրակի մարզին սահմանակից Կարսի մարզում մեկնարկած թուրք-ադրբեջանական զորավարժությունները:
Հիշեցնենք` այսօրվանից Կարսի մարզում մեկնարկում են Թուրքիայի և Ադրբեջանի զինված ուժերի հատուկ ստորաբաժանումների «Ձմեռ-2021» զորավարժությունները, որոնց բնույթը հարձակողական է: Հաշվի առնելով նախորդ փորձը` մի շարք փորձագետներ կարծում են, որ այն սպառնալիք է Հայաստանի համար: Մի մասն էլ համարում է, որ ուժի ցուցադրություն է և ինչ-որ ուղերձ` Ռուսաստանին ուղղված:
Մեկնաբանությունները