Ռուսական կողմի միջնորդությամբ 5 հայ ռազմագերի է վերադարձել Հայաստան (upd.)
Փոխվարչապետ Տիգրան Ավինյանի գրասենյակից հաստատել են, որ ռուսական կողմի միջնորդությամբ հայրենիք են վերադարձել 5 գերիներ։ Ավելի վաղ տեղեկություն էր տարածվել 20-ից ավելի ռազմագերիների վերադարձի հավանականության մասին:
Տեղեկություն է տարածվել, որ Էրեբունի օդանավակայանում այս պահին տասնյակ քաղաքացիներ են հավաքվել: Նշվում է, որ քաղաքացիները տեղեկություն ունեն Բաքվից գերիների հերթական խումբը վերադարձի մասին:
Հաղորդվում է, որ, անհետ կորած զինծառայողներից մեկի ծնողի տեղեկություններով, հայրենիք վերադարձող գերիների թիվը 20-ից ավելի է:
Ըստ տեղեկությունների` օդանավը ժամը 17:00-18:00-ի սահմաններում էր վայրէջք կատարելու Էրեբունի օդանավակայանում: Նշվում է, որ գերիների անունները չեն հրապարակել:
Նշվում է, որ բացի գերեվարվածների հարազատներից, օդանավակայանի տարածքում նաև զինվորականներ և ոստիկաններ կան:
UPD 1. Արցախի նախագահի հատուկ հանձնարարություններով ներկայացուցիչ Բորիս Ավագյանը հայտնել է, որ Բաքվից Հայաստան վերադարձող ռազմագերիները հինգն են:
UPD 2. Փոխվարչապետ Տիգրան Ավինյանի գրասենյակից հաստատել են, որ ռուսական կողմի միջնորդությամբ հայրենիք են վերադարձել 5 գերիներ։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները