Ստեփանակերտի օդանավակայանը պատրաստվում է շահագործման

Արցախի նախագահի աշխատակազմի ղեկավար Արտակ Բեգլարյանը դժվարացել է վերագործարկման հնարավոր ժամկետներ նշել, բայց վստահեցրել է, որ շահագործման դեպքում Ստեփանակերտ-Մոսկվա քաղաքացիական թռիչքների իրականացումը տեխնիկական հարց է:

Նորություններ

# Արցախ

# Խաղաղապահներ

# Ստեփանակերտ

# Օդանավակայաններ

Շինաշխատանքներ` Ստեփանակերտի օդանավակայանի հարակից տարածքում / © saro baghdasaryan, hetq.am / Հեղինակ՝ անհայտ, լուսանկարը տրամադրել է օգտատերը

Արցախի նախագահի աշխատակազմի ղեկավար Արտակ Բեգլարյանը հայտնել է, որ ռուս խաղաղապահներն Արցախում լայնածավալ շինարարական աշխատանքներ են իրականացնում, ավաններ են կառուցում: Շինաշխատանքները մեծ թափով ընթանում են նաև Ստեփանակերտի օդանավակայանի հարակից տարածքում:

Բեգլարյանը նշել է, որ մեծ ծավալի շինարարություն արդեն իրականացվել է, և օդանավակայանը պատրաստվում է շահագործման: Նախատեսվում է, որ օդանավակայանից կիրականացվեն ոչ միայն ռազմական, այլև քաղաքացիական թռիչքներ` հումանիտար նպատակներով:

Արցախի նախագահի աշխատակազմի ղեկավարը շեշտել է, որ որոշակի քաղաքական հարցեր կան, որոնք եռակողմ քննարկումների օրակարգում են: Սակայն, Բեգլարյանի խոսքով, կա դրական միտում և հիմք: Նա հույս է հայտնել, որ առաջիկայում հարցն ամբողջապես կլուծվի:

Արցախի նախկին ՄԻՊ-ը դժվարացել է վերագործարկման հնարավոր ժամկետներ նշել, բայց վստահեցրել է, որ շահագործման դեպքում Ստեփանակերտ-Մոսկվա քաղաքացիական թռիչքների իրականացումը տեխնիկական հարց է:

Հիշեցնենք, որ Արցախի նախագահի նախկին խորհրդական Դավիթ Բաբայանն ավելի վաղ հայտարարել էր, որ օդանավակայանը պատերազմի օրերին թիրախավորվել է հակառակարդի կողմից, սակայն լուրջ վնասներ չի կրել: Նա հնարավոր էր համարել, որ օդանավակայանը կարող է շահագործվել մինչև 2020թ. ավարտը:

Վրիպա՞կ գտաք։ Նշեք հատվածը և սեղմեք Ctrl + Enter։