Փարաջանովի «Մոռացված նախնիների ստվերները» ճանաչվել է ուկրաինական կինոյի պատմության լավագույն ֆիլմ

«Ուկրաինայի պատմության 100 լավագույն ֆիլմերի վարկանիշ» նախագծի շնորհանդեսում լավագույն ֆիլմ է ճանաչվել հանրահայտ ռեժիսոր Սերգեյ Փարաջանովի «Մոռացված նախնիների ստվերները» ժապավենը:

Օֆթոպ

# Ուկրաինա

# Սերգեյ Փարաջանով

# Ֆիլմեր

Կադր «Մոռացված նախնիների ստվերները» ֆիլմից / Автор: неизвестен, фото предоставлено пользователем

Կիևում անցկացվող «Գրքային արսենալ» փառատոնի շրջանակում տեղի է ունեցել «Ուկրաինայի պատմության 100 լավագույն ֆիլմերի վարկանիշ» նախագծի շնորհանդեսը: Ուկրաինայի կինոյի պատմության լավագույն ֆիլմ է ճանաչվել հանրահայտ ռեժիսոր Սերգեյ Փարաջանովի «Մոռացված նախնիների ստվերները» ժապավենը:

Ինչպես հաղորդվում է, լավագույն տասնյակում է հայտնվել նաև Ռոման Բալայանի «Թռիչքներ երազում և հարթմնի» կինոնկարը` զբաղեցնելով 7-րդ հորիզոնականը:

Ֆիլմերի ընտրության վերաբերյալ հարցումն անցկացվել է 2020թ. հունիսից մինչև հոկտեմբեր: Հարցմանը մասնակցել է 97 մարդ: Նրանք լավագույններին ընտրել են առանց ժանրային, տևողության, նկարահանման թվականի և այլ սահմանափակումների: Ստացված ցուցակներում ընդհանուր առմամբ հիշատակվել է 186 ֆիլմ:

Այնուհետև կազմվել է լավագույն ֆիլմերի 100-յակը, որոնցից 68-ը` խաղարկային, 26-ը` վավերագրական, 6-ը` անիմացիոն կինոնկարներ:

Ուկրաինայի հայերի միության նախագահ Վիլեն Շատվորյանի խոսքով` գիտությունն ու մշակույթը մշտապես իրենց ուշադրության կենտրոնում են, կարևորվում է յուրաքանչյուր պատմամշակութային օբյեկտ: Նշվում է, որ Ուկրաինայի հայերի միությունն ակտիվ աշխատում է ազգային, պատմական արժեքները հանրահռչակելու ուղղությամբ:

Нашли опечатку? Выделите фрагмент и нажмите Ctrl + Enter.