Ամերիկացին բակում ռեստորան է բացել սկյուռերի համար. մենյուն՝ գետնանուշ, խնձոր ու հաց
Հիմնադիրը որոշել է, որ հիմա ռեստորանային բիզնեսով զբաղվելու ամենահարմար պահն է:
Միչիգան նահանգի Օուկ Պարկ քաղաքից Ջեյմս Վրիլանդն իր տնամերձ այգում սկյուռերի համար ռեստորան է կառուցել: Նա «հաստատությունը» շրջափակել է ցանկապատով, իսկ ներսում տեղադրել է փոքր սեղաններ՝ զբոսախնջույքի համար:
Բացումը տեղի է ունեցել ապրիլի 5-ին: Հաճախորդները կարող են օգտվել գետնանուշից, չորացած հացից, պիցցայի չորուկից, ընդեղենից ու խնձորից:
Ռեստորանում աշխատանքային իրադրությանը կարելի է հետևել սեփականատիրոջ ֆեյսբուքյան էջում:
Վրիլանդը որոշել է, որ հիմա ամենահարմար պահն է ռեստորանային բիզնեսով զբաղվելու համար: Նա կատակել է՝ հարցնելով, թե արդյո՞ք որևէ մեկը տեղյակ է, թե ինչպես կարելի է կապ հաստատել Գրետհեն Ուիտմերի (Միչիգանի նահանգապետի) հետ՝ փոքրիկ բակը բաց պահելու թույլտվության համար:
Մեկնաբանությունները