Ինչո՞ւ են տղամարդիկ նախընտրում շիկահերների

Մինեսոտայի համալսարանի գիտնականները փորձարկում են կատարել. ավելի քան 100 տղամարդ դիտել է շիկահերների, թխահերների ու շագանակահերների լուսանկարներ: Գիտնականներ, իրենց հերթին, հետևել են նրանց արձագանքին:

Առավել մեծ ուշադրության են արժանացել շիկահերները. ուժեղ սեռի ներկայացուցիչների համար նրանք ավելի հետաքրքրական են:

Այս պարագայում տղամարդիկ հաստատել են այն կարծրատիպը, թե բաց գույնի մազերով կանայք ավելի հասանելի են: Այդ իսկ պատճառով նրանք շիկահերներին մեծ ուշադրություն են դարձնում և գործնականում միշտ պատրաստ են նրանց հետ հարաբերություններ ստեղծել:

Կատարված մեկ այլ հետազոտության համաձայն՝ տղամարդիկ պետք է ընտրեին նույն կնոջ՝ տարբեր գույնի մազերով նկարներից մեկը: Նրանք պետք է պատասխանեին մի շարք հարցերի: Պարզվել է, որ հարցվածների 40%-ն իսկապես չէր հրաժարվի շիկահերի հետ արտամուսնական կապից, իսկ հարցվածների 1/3-ը նշել է, որ որպես կին կընտրեր թխահերի, ավելի փոքր մասը նախընտրություն կտար շագանակահերի, 10%-ից քիչը՝ շիկակարմիրի:

Շիկահերի հետ ամուսնանալու կողմնակից է հարցվածների ընդամենը 15%-ը: Տղամարդկանց այսպիսի ընտրությունը բացատրել են նրանով, որ, նրանց կարծիքով, թխահերներն ավելի ինքնուրույն են և տնտեսություն վարելիս ու երեխաներին դաստիարակելիս՝ առավել վստահելի: Նրանք, ըստ տղամարդկանց, սովորաբար ավելի շատ են վաստակում, քան շիկահերները: Միևնույն ժամանակ՝ հարցված տղամարդկանց կեսը համոզված է եղել, որ հայտնի կանանց շարքում շիկահերները մեծամասնություն են:

Ավստրիացի մարդաբան, պրոֆեսոր Կառլ Գրամերը ուժեղի սեռի ընտրությանը գիտական բացատրություն է տալիս: Նրա համոզմամբ՝ բնական շիկահերների մոտ էստրոգենի մակարդակն ավելի բարձր է, քան մուգ գույնի մազերով կանանց մոտ, իսկ տեստոստերոնը՝ հակառակը՝ ցածր է: Այդ համադրությունը ոչ միայն արտաքինի վրա է ազդում, այլև վարքի. սովորաբար՝ շիկահերներն ավելի կայտառ են ու ինֆանտիլ: Այդ ամենը միասին տղամարդկանց համար ենթագիտակցական ազդանշան է՝ հենց նրանց ընտրելու համար:

Սան Դիեգոյի համալսարանի մասնագետները զարգացրել են այդ հիպոթեզը: Նրանց վարկածի համաձայն՝ շիկահերների դեպքում տարիքը և մաշկի վրա առկա նշաններից առկա հիվանդությունը որոշել է հեշտ է: Նշվում է, որ հնագույն շրջանում, երբ «բանական մարդը» ենթարկվում էր մանրէների, վիրուսների, հիվանդությունների վտանգին, գոյատևման հարց էր սերունդներին ծնելը: Բաց մաշկով կանանց դեպքում ընտրություն կատարելն այդ նպատակով հեշտ էր: Բացի այդ՝ շիկահերներն ավելի երիտասարդ տեսք են ունենում, ինչը նույնպես երեխա ունենալու օգտին խոսող հանգամանք է:

Տղամարդկանց կողմից շիկահերների ներկայիս մեծ պահանջարկի ևս մեկ հանգամանք է այն, որ, իբր, շիկահերները հեշտությամբ են կարմրում, ինչի շնորհիվ տղամարդը համոզվում է՝ դուր է եկել, թե ոչ, հոգատարությունն առավել հաստատակամորեն են ցուցաբերում: Հետազոտողները նշում են, որ սպիտակ գույնը մաքրության խորհրդանիշ է. սա տղամարդկանց նույնպես վստահություն է ներշնչում: Սակայն այս հիպոթեզերի գիտական հաստատում դեռևս չի իրականացվել:

Սեռաբան և հոգեբան Ալեքս Մեյը հիշեցնում է մարդու երկու հիմնական բնազդների մասին՝ գոյատևել և բազմանալ: Եթե կինը փնտրում է իրեն պաշտպան, ով օջախն ու երեխաներին կպաշտպանի, ապա տղամարդուն անհրաժեշտ այդ օջախի պահապան ու երեխաների մայր: Ալեքս Մեյը նույնպես ընդունում է, որ տղամարդը, դիտելով կնոջը, ենթագիտակցորեն գնահատում է նրա առողջությունը: Շիկահերների դեպքում դա հասկանալն առավել դյուրին է:

Բացի այդ՝ բնական շիկահերների մեծ մասին մոտ ռեցեսային գեներ են, որոնք հազվադեպ են փոխանցվում ժառանգաբար: Տղամարդու համար դա առավելություն է, քանի որ երեխաներն իրեն նման կլինեն, նշանակում է՝ վստահ կլինի, որ հենց իր երեխաներին է դաստիարակում: Բացառությամբ հազվադեպ դեպքերի՝ շիկահերներն ընտանիքը ղեկավարելու հակում չեն ունենում, ինչը տղամարդուն թույլ է տալիս միշտ տեր զգալ իրեն:

Սեռաբանն ընդգծել է ևս մեկ կարևոր կետ. իրականում շիկահերներն ավելի քիչ խանդավառ են, քան թխահերները կամ շիկակարմիրները: Բայց տղամարդիկ պատրաստ են ներել շիկահերների ձախողումները կամ չնկատել դրանք, այդ պատճառով շատ կանայք ներկում են մազերը: Իսկ տղամարդուն, հոգեբանի խոսքով, բավական է միայն մազերի գույնը. նա չի նկատի ունքերի ու աչքերի գույնը (բնական շիկահերները հիմնականում կապուտաչյա են):

Ալեքս Մեյը կատարել է իր հիմնավոր եզրակացությունները: Ոմն Ստաս Կոտովը համացանցում տեղադրել է տղամարդկանց ու կանանց փոխհարաբերությունների իր վարկածը: Նրա համոզմամբ՝ շիկահերն ուրախ է, որ կին է ծնվել: Նա սիրում է իր մարմինը և կարողանում է օգտվել դրանից: Նրա մտքով անգամ չի անցնում դառնալ ֆեմինիստուհի կամ բարձրանալ բարիկադների վրա: Ստասի համոզմամբ՝ շիկահերը չի պնդում «հավասար իրավունքներ», քանի որ նա ավելին ունի ու հասկացել է, որ տղամարդուն պետք է գրավել սեփական մարմնով:

Էջանիշ

Պատճենել հղումը

Email

Տպել

Twitter

VK

Telegram