Հերթական զանգվածային խափանումը Ucom-ում
Արդեն ավելի քան 12 ժամ Նոր Նորքի 2-րդ զանգվածի մի մասը զրկված է ֆիքսված ինտերնետ կապից:
Ընկերությունից մեզ հայտնեցին, որ լարերն են վնասվել, և տեղեկատվությունը փոխանցել են տեխնիկական բաժին: Կապի վերականգնման ժամկետի վերաբերյալ հարցին Ucom-ում չկարողացան մեզ պատասխանել: Հաշվի առնելով, որ այս հրապարակումը տեղադրելու պահին կապը դեռ կարգավորված չէ, կարելի է եզրակացնել, որ մասնագետները նույնիսկ չեն ժամանել վթարի վայր:
Հիշեցնենք՝ վերջին շրջանում Ucom-ի ինտերնետ (և ոչ միայն) կապի խափանումները հաճախակի են դարձել: Ներկայումս, երբ բազմաթիվ կազմակերպություններ աշխատանքները կամ ուսուցումը հեռավար են անցկացնում, մշտական ինտերնետ կապն անհրաժեշտություն է:
Քիչ չեն այն անհատներն ու ընկերությունները, որոնք այդ պարագայում ֆինանսական վնասներ են կրում, որոնք Ucom-ը ոչ մի կերպ չի փոխհատուցում: Նախորդ խափանումից հետո ԶԼՄ-ներում ապատեղեկատվություն էր տարածվել, թե փոխհատուցումներ են լինելու, սակայն վերջին պահին հարցում է կազմակերպվել՝ առաջարկելով փոխհատուցումն ուղղել զինծառայողների ապահովության հիմնադրամին:
Ցավոք՝ Ucom-ը կայուն ինտերնետ կապի ապահովման առումով դառնում է ավելի քիչ խելամիտ ընտրություն:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները