Մարտի 22-ից արգելվում է առևտրի կենտրոնների (մոլերի) և մի շարք այլ տեսակների գործունեությունը

Արգելքը գործելու է մինչև արտակարգ դրության ավարտը և չի տարածվելու սննդի, խմիչքների, ալկոհոլային խմիչքների, ծխախոտային արտադրության ապրանքների մանրածախ առևտրի գործունեության վրա. մոլերում կաշխատեն միայն սուպերմարկետները:

Նորություններ

# Արտակարգ դրություն

# Մոլեր

# Սահմանափակումներ

# Տիգրան Ավինյան

Արմենիա մեգամոլ / © Yerevan EveryDay / Автор: неизвестен, фото предоставлено пользователем

Փոխվարչապետ Տիգրան Ավինյանը, ով արտակարգ դրության պայմաններում Պարետն է և գլխավորում է Պարետատունը, որոշում է կայացրել տնտեսական գործունեության մի շարք տեսակների աշխատանքները մինչև արտակարգ դրության ժամկետի լրանալն արգելելու վերաբերյալ:

https://www.facebook.com/tigran.avinyan/posts/2438321393138933

Կորոնավիրուսի տարածման դեմ պայքարի շրջանակներում մարտի 22-ից Հայաստանի Հանրապետության տարածքում արգելվելու են տնտեսական հետևյալ գործունեության տեսակները.

1. Առևտրի կենտրոն՝ բացառությամբ սննդի, խմիչքների, ալկոհոլային խմիչքների, ծխախոտային արտադրության ապրանքների մանրածախ առևտրի գործունեության, այն է՝ մոլեր՝ բացառությամբ այնտեղ գործող սուպերմարկետների,

2. Բարերի, գիշերային ակումբների, պարահրապարակների գործունեություն,

3. Կինոֆիլմերի ցուցադրում,

4. Խաղատներ,

5. Բուքմեյքերական և խաղագումարով գրազի կազմակերպման գործունեության սպասարկման գրասենյակներ:

https://www.facebook.com/babken.tunyan/posts/1699714036836206

ԱԺ պատգամավոր, Տնտեսական հարցերի մշտական հանձնաժողովի նախագահ Բաբկեն Թունյանն ընգծել է, որ խոսքը չի վերաբերում տոնավաճառներին, վերնիսաժին, հագուստի, տնտեսական ապրանքների, շինանյութի խանութների վրա:

https://www.facebook.com/babken.tunyan/posts/1699764373497839

Պատգամավորը նշել է, որ խոսքը միայն մոլերի` առևտրի կենտրոնների մասին է:

Нашли опечатку? Выделите фрагмент и нажмите Ctrl + Enter.