Հավանական է համարվում, որ ռուս խաղաղապահները դուրս բերվեն Արցախից — Շեշտ.am (shesht.am)
3 րոպե
Խմբագրություն

Հավանական է համարվում, որ ռուս խաղաղապահները դուրս բերվեն Արցախից

Տեղեկատվություն է տարածվել, թե Արևմուտքը պահանջում է ռուսական խաղաղապահ ուժերի դուրսբերում Արցախից: Նշվում է, որ Գյումրիի 102-րդ ռազմաբազան դուրս կբերվի Հայաստանից, իսկ ռուս խաղաղապահների փոխարեն կտեղակայվեն ֆրանսիական ուժեր:

Ռուս խաղաղապահներ` Ստեփանակերտում / © ՌԴ ՊՆ

Եվրոպան և ԱՄՆ-ը վերջին օրերին, ինչպես հաղորդվում է, լրջորեն ակտիվացել են: Համարվում է, որ ներկայումս Ռուսաստանի վրա Արևմուտքը մեծ ճնշում է գործադրում, հատկապես Պուտին-Բայդեն հանդիպման վերաբերյալ որոշ մանրամասների բացահայտումից հետո: Եզրակացություն է արվում, որ Ջո Բայդենը Վլադիմիր Պուտինի հետ «դաժան ու կոշտ խաղ է խաղում», իսկ «ցարը» դրան չի կարողանում պատասխանել:

Ճնշումը, ինչպես նշվում է, վերաբերում է նաև Արցախի հարցին, հատկապես այնտեղ Ռուսաստանի Դաշնության խաղաղապահ ուժերի տեղակայմանը: Մյուս կողմից ճնշում է գործադրվում Դոնբասի, Ղրիմի, Սիրիայի հարցերով:

Առկա տեղեկատվության համաձայն` առաջիկայում ռուսական խաղաղապահ ուժերը կարող են դուրս բերվել Արցախից, որից հետո Հայաստանը կլքի նաև Գյումրիի 102-րդ ռազմաբազան: Ընդ որում` բազայի անձնակազմը և ռազմատեխնիկան երեք մասի են բաժանվելու. հիմնական մասը տեղակայվելու է ՌԴ Արևմտյան ռազմական շրջանում, մյուսը` Տաջիկստանում` սահմանը թալիբներից պաշտպանելու, իսկ երրորդը, հնարավոր է, տեղափոխվի Սիրիա:

Շեշտվում է, որ այդ ամենը, ամենայն հավանականությամբ, տեղի կունենա մինչև տարվա վերջ: Ընդ որում`
1) Հայաստանը և Ադրբեջանը դեմ չեն ռուսական զորքերի դուրսբերմանը,
2) Արևմտյան ճակատը և Սիրիան Ռուսաստանի համար առավել մեծ ռազմավարական նշանակություն ունեն,
3) Եթե Ռուսաստանը դիմադրի, ապա հնարավոր է կիրառվի պատժամիջոցների նոր փաթեթ:

Նշվում է, որ հենց այդ պատճառով է Ռուսաստանը սկսել Արցախի հարցը քննարկել Ֆրանսիայի հետ: Հավանական է համարվում, որ հենց ֆրանսիացի գործընկերները կփոխարինեն ռուս խաղաղապահներին` դրա դիմաց զիջումների գնալով Կենտրոնական Աֆրիկայում կամ նույնիսկ առանց զիջումների, սակայն հստակ պայմանավորվածությունների համաձայն:

Աղբյուրն ընդգծում է, որ նշված տեղեկատվությունը 3-4 օր առաջ է ստացել վստահելի շրջանակներից, սակայն որոշել է մի քանի օր սպասել և տեսնել, թե ինչպես է զարգացնում իրադրությունը` հաշվի առնելով նաև սահմանային լարվածության աճը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.