Բաքուն թույլտվություն է խնդրում Ստեփանակերտից՝ Շուշիում հերթափոխ իրականացնելու համար

Շուշիում տեղակայված զորքերի հերթափոխն Ադրբեջանն իրականացնում է Ֆիզուլի (Վարանդա)-Կարմիր Շուկա-Շուշի մայրուղիով՝ ռուս սահմանապահների ուղեկցությամբ. ուղիղ ճանապարհ դեպի Շուշի Ադրբեջանը մինչ օրս չունի:

Նորություններ

# Ադրբեջան

# Խաղաղապահներ

# Ճանապարհներ

# Շուշի

Ճանապարհ դեպի Շուշի / © Reuters / Հեղինակ՝ անհայտ, լուսանկարը տրամադրել է օգտատերը

WarGonzo-ի տեղեկություններով՝ ադրբեջանական զինված ուժերը մինչ օրս ճանապարհային հաղորդակցություն չունեն դեպի իրենց վերահսկողության ներքո անցած Շուշի:

Նշվում է, որ ադրբեջանական կողմը հարկադրված է թույլտվություն խնդրել Ստեփանակերտից՝ Շուշիում տեղակայված զորքերի հերթափոխը Ֆիզուլի (Վարանդա)-Կարմիր Շուկա-Շուշի մայրուղով իրականացնելու համար: Ադրբեջանական շարասյուներն այդ երթուղով անցնում են ռուս խաղաղապահների ուղեկցությամբ:

Հիշեցնենք, որ ադրբեջանական ստորաբաժանումները թուրքական հատուկ ջոկատայինների և ահաբեկիչների հետ Շուշի էին հասել «Դժոխքի ձոր» անունը ստացած կիրճով: Այդ հատվածում նրանց կորուստները հսկայական են եղել, որից և՝ անվանումը: Թշնամական ուժերի ներխուժումը Շուշի մինչ օրս բազմաթիվ հարցերի տեղիք է տալիս:

Ավելի վաղ տեղեկություն էր ստացվել, որ ՌԴ Պաշտպանության նախարարությունը չի նախատեսում ադրբեջանական կողմի համար որևէ տրանսպորտային հավելյալ միջանցք տրամադրել, որը նախատեսված չէ համաձայնությամբ:

Վրիպա՞կ գտաք։ Նշեք հատվածը և սեղմեք Ctrl + Enter։