Իրանում 7 մարդ մահացել է մեթիլային սպիրտի թունավորման պատճառով

Նրանք համացանցում կարդացել են, թե մեթիլային սպիրտը պաշտպանում է կորոնավիրուսից, սակայն իրականում մահաբեր է եղել. ևս 4 մարդ կորցրել է գիտակցությունը:

Նորություններ

# COVID-19

# Իրան

# Համաճարակներ

# Սպիրտ

Մարտի 8-ին 200 մարդ Իրանում թունավորվել է սպիրտից / ©Aizen_tt / Автор: неизвестен, фото предоставлено пользователем

Իրանի Ալբորզ նահանգում 7 մարդ մահացել է մեթիլային սպիրտով թունավորվելու հետևանքով. նրանք կարծել են, թե մեթիլային սպիրտն իրենց կպաշտպանի նոր տեսակի կորոնավիրուսից:

Իրանի իշխանությունները հայտնել են, որ ալկոհոլային թունավորումից մարտի 9-ի դրությամբ մահացել է 27 մարդ: Ահվազի բժշկական գիտությունների համալսարանը հաղորդել է մարտի 8-ին ալկոհոլային թունավորման ավելի քան 200 դեպքի մասին:

Հաղորդվում է, որ մահացած 7 քաղաքացիները համացանցում տեղեկություն են կարդացել, ըստ որի՝ ալկոհոլը պաշտպանում է Covid-19 կորոնավիրուսի վարակից: Եվս 4 քաղաքացի թունավորման հետևանքով գիտակցությունն է կորցրել:

Ներկայումս կորոնավիրուսով վարակվածների թիվն Իրանում 8042 է, մահացել է 291 մարդ, առողջացել և հիվանդանոցից դուրս են գրվել 2731-ը:

Нашли опечатку? Выделите фрагмент и нажмите Ctrl + Enter.