Ռուսաստանը Թուրքիայում 2-րդ ատոմակայանը կկառուցի

Ռուսաստանը մտադիր է Թուրքիայում երկրորդ ատոմակայանը կառուցել, այս անգամ` Սև ծովի ափին գտնվող Սինոպ նահանգում: Այն պատրաստ կլինի 2023թ.: Ներկայումս ընթացքի մեջ է «Աքքույու» ԱԷԿ-ի շինարարությունը, որի ծախսերի 99%-ը հատկացնում է «Ռոսատոմը»:

Նորություններ

# Ատոմակայաններ

# Թուրքիա

# Ռոսատոմ

# Ռուսաստան

«Աքքույու» ԱԷԿ-ի շինարարություն / © akkuyu.com / Հեղինակ՝ անհայտ, լուսանկարը տրամադրել է օգտատերը

Ռուսաստանը մտադիր է Թուրքիայում երկրորդ ատոմակայանը կառուցել, այս անգամ` Սև ծովի ափին գտնվող Սինոպ նահանգում: Ինչպես հաղորդվում է, կառուցվելու են դեպի ԱԷԿ տանող 15 կմ-անոց ճանապարհ և ջրամատակարարման ջրանցքներ:

Հայտնի է, որ այս ատոմակայանի կառուցման ուղղությամբ աշխատանքները մեկնարկել են դեռ 2018թ.-ից: Ճանապարհի և ջրանցքների կառուցումը կազմում է 7,3 մլն դոլար: «Սինոպ» ատոմակայանի կառուցումը նախատեսված է ավարտել 2023թ.:

Ավելի վաղ տեղեկություններ են տարածվել, թե այս ատոմակայանը կառուցելու է ճապոնական Mitsubishi Heavy Industries ընկերությունը: Սակայն ճապոնացիները դուրս են եկել ծրագրից, և հավանական է համարվում, որ այն ավարտին հասցնի ռուսական կողմը:

Նշենք, որ Ռուսաստանը Թուրքիայում արդեն կառուցում է «Աքքույու» ԱԷԿ-ը, որը գտնվում է Միջերկրական ծովի ափին: Այն արժենալու է շուրջ 20 մլրդ դոլար, որի 99%-ի վճարման պարտավորությունը ստանձնել է «Ռոսատոմը»: «Աքքույուն» ունենալու է չորս էներգաբլոկներ, որոնց ընդհանուր հզորությունը կկազմի 4800 ՄՎտ:

Հաղորդվում է, որ Անկարան հետաքրքրված է ատոմային էներգետիկայի ոլորտի զարգացմամբ, այդ պատճառով թուրքերը կառուցելու են երկրորդ, հնարավոր է նաև` երրորդ էլեկտրակայանը: Փորձագիտական կարծիքի համաձայն` ֆրանս-ճապոնական ATMEA-1 տեխնոլոգիան արդեն անհեռանկարային է, և «Ռոսատոմն» ունի այս ոլորտում թուրքական կողմի համար հետաքրքիր առաջարկներ:

Վրիպա՞կ գտաք։ Նշեք հատվածը և սեղմեք Ctrl + Enter։