«Ahabekum Hayastanin». turqakan ZLM-n` nor zoravarzhutyan masin

Անկարայում մեկնարկել են «Կովկասյան արծիվ» անունը կրող զորավարժությունները, որոնց մասնակցում են Թուրքիայի, Վրաստանի, Ադրբեջանի, Նախիջևանի Ինքնավար Հանրապետության հատուկ նշանակության միացյալ ուժերը, ինչպես նաև Ուկրաինան` դիտորդի կարգավիճակով:

Norutyunner

# Adrbejan

# Zoravarzhutyunner

# Turqia

Զորավարժություններ Թուրքիայում / © Haber Ofisi / Հեղինակ՝ անհայտ, լուսանկարը տրամադրել է օգտատերը

Թուրքական աղբյուրների հաղորդմամբ` նշված զորավարժություններով Թուրքիան հերթական անգամ աջակցություն է ցուցաբերում Ադրբեջանին: Հայկական կողմին մեղադրելով Նախիջևանի սահմանին սադրանքներ հրահրելու մեջ` Անկարան հայտարարում է ադրբեջանական հատուկ ծառայություններին պատրաստելու անհրաժեշտության մասին:

Հաղորդվում է, որ զորավարժությունները նպատակ ունեն բարելավել «բարեկամական երկրների հատուկ նշանակության ուժերի միջև համագործակցությունն ու համակարգումը»: Շեշտադրում է արվելու փորձի և գիտելիքների փոխանակման, օպերատիվ փոխգործակցության բարձրացման, հատուկ գործողությունների և հաղորդակցության հմտությունների կատարելագործման վրա:

Ուշագրավ է, որ թուրքական սկզբնաղբյուրը զորավարժության մասին հրապարակման վերնագիր է նշել «ահաբեկում Հայաստանին»` մեջբերելով ադրբեջանական պաշտպանության նախարարության հաղորդումները, թե իբր հայկական կողմն է խախտել հրադադարի պահպանման ռեժիմը: ՀՀ ՊՆ, ինչպես հայտնի է, հերքել է այդ տեղեկատվությունը` նշելով, որ ադրբեջանական զինուժն է պարբերաբար սադրիչ գործողություններ իրականացնում սահմանի տարբեր հատվածներում:

Վրիպա՞կ գտաք։ Նշեք հատվածը և սեղմեք Ctrl + Enter։