Թուրքիան ու Ադրբեջանը հերթական զորավարժությունն են այսօր սկսում

«Մուստաֆա Քեմալ Աթաթուրք-2021» անունը կրող վարժանքները կանցկացվեն Բաքվում` հունիսի 28-30-ը: Դրանց մասնակցում են շուրջ 600 զինծառայողներ, մոտ 40 տանկեր, այլ զրահատեխնիկա, հրետանային զինատեսակներ, նռնականետեր, 7 միավոր ռազմատրանսպորտային ուղղաթիռներ, տարբեր նշանակության 3 անօդաչու թռչող սարքեր և այլն:

Նորություններ

# Ադրբեջան

# Զորավարժություններ

# Թուրքիա

Թուրք-ադրբեջանական զորավարժություններ / © 1News / Հեղինակ՝ անհայտ, լուսանկարը տրամադրել է օգտատերը

Հունիսի 28-30-ը Բաքվում թուրք-ադրբեջանական զիվորականների մասնակցությամբ կընթանան «Մուստաֆա Քեմալ Աթաթուրք-2021» վարժանքները:

Թուրքիայի և Ադրբեջանի զինված ուժերի հերթական զորավարժությանը, ինչպես հայտնի է, ներգրավված են շուրջ 600 զինծառայողներ, մոտ 40 տանկեր, այլ զրահատեխնիկա, 20 հրետանային զինատեսակներ, նռնականետեր, 7 միավոր ռազմատրանսպորտային ուղղաթիռներ, տարբեր նշանակության 3 անօդաչու թռչող սարքեր, շուրջ 50 միավոր տեխնիկա:

Զորավարժությունների հայտարարված թիրախն այս անգամ մարտական գործողությունների ժամանակ երկու երկրների զորամասերի միջև փոխգործակցության բարելավումն է, ռազմական որոշումների կայացման և ստորաբաժանումների կառավարման առումով հրամանատարական հմտությունների զարգացումը:

Ուշագրավ է, որ այս զորավարժություններն իրականացվում են Թուրքիայի և Ադրբեջանի միջև ընդամենը օրեր առաջ օկուպացված Շուշիում ստորագրված ռազմական համագործակցության պայմանագրի շրջանակներում:

Հավելենք, որ «Մուստաֆա Քեմալ Աթաթուրք» զորավարժությունները Թուրքիան և Ադրբեջանն անցկացնում են երկու տարին մեկ անգամ: Դրանք անցկացվել են նաև 2017 և 2019 թվականներին:

Վրիպա՞կ գտաք։ Նշեք հատվածը և սեղմեք Ctrl + Enter։