Ճեպընթաց երկաթուղով Երևանից Թբիլիսի 2-3 ժամում հնարավոր կլինի հասնել

Որոշումն ընդունվել է երկու երկրների էկոնոմիկայի նախարարների հանդիպման ժամանակ: Ինչպես հաղորդվել է, նախաձեռնության նպատակը զբոսաշրջության զարգացմանը նպաստելն է:

Նորություններ

# Երևան

# Երկաթուղիներ

# Թբիլիսի

Գնացք / © B24 / Автор: неизвестен, фото предоставлено пользователем

Հայաստանը և Վրաստանը դիտարկում են ճեպընթաց երկաթուղի կառուցելու հնարավորությունը, որի միջոցով Երևանից Թբիլիսի հնարավոր կլինի հասնել ընդամենը 2-3 ժամում:

Որոշումն ընդունվել է երկու երկրների էկոնոմիկայի նախարարների հանդիպման ժամանակ: Ինչպես հաղորդվել է, նախաձեռնության նպատակը զբոսաշրջության զարգացմանը նպաստելն է: Հայկական կողմն առաջարկել է նաև քննարկել զբոսաշրջության և էներգետիկայի ոլորտների մի շարք համատեղ ծրագրերի իրագործման հնարավորությունը, որոնք կարող են ավելի լայն ընդգրկում ունենալ:

Հիշեցնենք նաև, որ հունիսի 15-ից գործարկվել է Երևան-Թբիլիսի-Բաթումի նոր գնացքը: Տոմսերը հնարավոր է գնել Երևանի, Վանաձորի, Գյումրիի, Արմավիրի, Թբիլիսիի, Բաթումիի կայարանամերձ տոմսարկղերում, ինչպես նաև «Հարավկովկասյան երկաթուղու» պաշտոնական կայքում:

Нашли опечатку? Выделите фрагмент и нажмите Ctrl + Enter.