Թուրքիայի ԱԳ նախկին նախարարը գնահատել է Ռուսաստանի հետ պատերազմի հավանականությունը

Յաքըշը բացառել է պատերազմի հավանականությունը` նշելով, որ տարբեր տարածաշրջաններում առկա տարաձայնությունները չեն ազդում համագործակցության այլ ուղղությունների վրա: Նրա կանխատեսմամբ` երկու երկրների միջև հարաբերությունները շարունակելու են բարգավաճել:

Նորություններ

# Թուրքիա

# Պատերազմներ

# Ռուսաստան

Ռուս և թուրք զինվորականներ / © MK / Հեղինակ՝ անհայտ, լուսանկարը տրամադրել է օգտատերը

Նախկին պաշտոնյան հիշեցրել է, որ Ռուսաստանը և Թուրքիան նախկինում առնվազն 12 անգամ պատերազմել են միմյանց դեմ, սակայն վստահաբար պնդել է, որ Անկարան ներկայումս Մոսկվայի հետ տարաձայնություն չունի:

Յաշար Յաքըշի խոսքով` Օսմանյան կայսրության և կայսերական Ռուսաստանի միջև դիմակայության էջը վաղուց փակ է: ԽՍՀՄ փլուզումից հետո Թուրքիան սկսել է զարգացնել հարաբերությունները հետխորհրդային երկրների հետ, իսկ Ռուսաստանը, նախկին պաշտոնյայի պնդմամբ, Թուրքիային հակառակորդ է համարել: Յաքըշի համոզմամբ` երբ Անկարան սկսել է Մոսկվայի հետ միասին օգնել այդ երկրներին, հարաբերությունները կարգավորվել են և սկսել են զարգանալ կառուցողական հունով:

Յաշար Յաքըշը Թուրքիայի և Ռուսաստանի ներկայիս հարաբերությունները որակել է որպես «շատ լավ»: Դրանց պահպանման երաշխիքներից մեկը, ԱԳ նախկին նախարարի խոսքով, տնտեսական համագործակցությունն է: Հիշեցնում է, որ Թուրքիան Ռուսաստանից է գնում իր էներգիայի մեծ մասն ու մեծ քանակությամբ գազ:

Նախկին դիվանագետը կարևոր ձեռքբերում է համարել փոխգործակցության ուղղությունների հստակ տարանջատման հարցում Մոսկվայի և Անկարայի կարողությունները:

Յաքըշը նշել է, որ տարբեր տարածաշրջաններում ծագող խնդիրներում տարաձայնությունները չեն ազդում համագործակցության այլ ուղղությունների վրա: Նրա կանխատեսմամբ` դրա շնորհիվ երկու երկրների միջև հարաբերությունները բարգավաճելու են:

Վրիպա՞կ գտաք։ Նշեք հատվածը և սեղմեք Ctrl + Enter։