Մեր զինվորները նույնպես ռազմավար են վերցրել. Տ-90 տանկը` հայկական բանակում
Նախորդ պատերազմի ընթացքում հայ զինվորները կարողացել են որպես ռազմավար վերցնել ադրբեջանական Տ-90Ս տանկերից մի քանիսը: Դրանցից առնվազն մեկը վերանորոգվել է, ներկվել և տրամադրվել է զորամասին: Պատերազմից առաջ հայկական բանակում ընդամենը մեկ Տ-90 տանկ կար (տանկիսներն էին շահել), այժմ` առնվազն 2-ը:
Աշնանը Արցախի դեմ սանձազերծած պատերազմի ժամանակ, ինչպես հայտնի է, ադրբեջանական կողմը գործի է դրել իր լավագույն տանկային բրիգադները` մեծ թվով Տ-90Ս (Т-90С) տանկերի կիրառմամբ: Դրանք հիմնականում օգտագործվել են հարավային ուղղությամբ գրոհներ իրականացնելիս:
Պատերազմի ընթացքում Արցախի Պաշտպանության բանակի զինծառայողներին հաջողվել է ոչնչացնել դրանց մի մասը, իսկ մի քանիսը` թեթև վնաս պատճառելով` առգրավել հակառակորդից:
Ադրբեջանցիներից խլած Տ-90Ս տանկի առնվազն մեկ միավորը հայ մարտիկները տեղափոխել են իրենց վերահսկողության ներքո գտնվող տարածք: Հրապարակված լուսանկարները փաստում են, որ գոնե մեկ այդպիսի տանկ վերանորոգվել է, ներկվել հայկական զինված ուժերի համար ընդունված գույներով և հանձնվել զորամասին:
Ինչպես հայտնի է, մինչև սեպտեմբերի 27-ը հայկական բանակում առկա է եղել ընդամենը մեկ միավոր Տ-90 տանկ (հայ տանկիստներն այն շահել էին ռազմական մրցույթի ժամանակ):
Մեկնաբանությունները