Թալիբները պաշտոնապես նախազգուշացրել են Թուրքիային` սպառնալով «ջիհադով»
Շարժման ղեկավարները Թուրքիային կոչ են արել դուրս բերել ուժերն Աֆղանստանի մայրաքաղաք Քաբուլից, հակառակ դեպքում դա համարվելու է օկուպացիա:
«Թալիբան» շարժումը, որը մի շարք երկրներում ահաբեկչական է հայտարարված, պաշտոնական հայտարարությունը է տարածել Աֆղանստանում թուրքական զորքերի ներկայության վերաբերյալ:
Թալիբների հայտարարության համաձայն` թուրքական ներկայությունն Աֆղանստանի ինքնիշխանության, տարածքային ամբողջականության ոտնահարում է և հակասում է աֆղանական ազգային շահերին: Շարժման ղեկավարները Թուրքիային կոչ են արել դուրս բերել ուժերը մայրաքաղաք Քաբուլից, հակառակ դեպքում դա համարվելու է օկուպացիա:
Պահաջը չկատարելու դեպքում թալիբները խոստացել են «ջիհադն» ուղղել Թուրքիայի դեմ: «Թալիբանի» հայտարարության համաձայն` հետևանքների ամբողջ պատասխանատվությունը կընկնի նրանց վրա, ովքեր «միջամտում են այլոց գործերին» և կայացնում են անընդունելի որոշում:
Ուշագրավ է հայտարարության 7-րդ կետը, ըստ որի` թուրքերի հետ շփումներ արդեն տեղի են ունեցել, և հայտարարվել է, որ առանց թալիբների համաձայնության որոշումներ չեն կայացվելու:
Հիշեցնենք` Աֆղանստանից ամերիկյան զորքերի դուրսբերումից հետո թուրքական կողմը պատրաստակամություն է հայտնել ապահովել Քաբուլի օդանավակայանի անվտանգությունը` դրանով փաստացի ռազմական ներկայություն հաստատելով Աֆղանստանում:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները