ՊՆ-ն առաջարկում է ՀՕՊ միջոցների կիրառման կարգը սահմանել Կառավարության որոշմամբ
Օրենքի նախագծով նախատեսվում է պետական սահմանի օդային տարածքի պաշտպանության ժամանակ հակաօդային պաշտպանության զորքերի կողմից հակաօդային պաշտպանության միջոցների կիրառման կարգը սահմանել Հայաստանի Հանրապետության կառավարության որոշմամբ:
Իրավական ակտերի նախագծերի հրապարակման միասնական կայքում (e-draft) օրենքի նախագիծ է տեղադրվել, որով Պաշտպանության նախարարությունը կարգավորում է առաջարկում հակաօդային պաշտպանության միջոցների կիրառման վերաբերյալ:
Մասնավորապես, պաշտպանական գերատեսչության հեղինակած նախագծի համաձայն նախատեսվում է պետական սահմանի օդային տարածքի պաշտպանության ժամանակ հակաօդային պաշտպանության զորքերի կողմից հակաօդային պաշտպանության միջոցների կիրառման կարգը սահմանել Հայաստանի Հանրապետության կառավարության որոշմամբ:
Օրենքի նախագիծը ենթադրում է նաև, որ ուժի մեջ մտնելուց հետո 90 օրացուցային օրվա ընթացքում Կառավարությունը պետք է ընդունի համապատասխան որոշումը:
Նախագծին կից հիմնավորում ներկայացված չէ: Հավելենք, որ e-draft համակարգում նախագիծը դեռևս չունի կողմ և դեմ ձայներ:
Մեկնաբանությունները