Հայաստանում քաղաքական նոր ճգնաժամն անխուսափելի է. Սկակով
Փորձագետի համոզմամբ` նոր խորհրդարանը կենսունակության հույսեր չի ներշնչում. «Խորհրդարան անցած ուժերի ներկայացվածությունը բավարար չէ. անհրաժեշտ է նոր դեմքերով «երրորդ ուժ»: Քաղաքական նոր ուժի ձևավորումը կմոտեցնի նոր ընտրությունները»:
ՌԴ Գիտությունների ակադեմիայի Արևելագիտության ինստիտուտի Կենտրոնական Ասիայի և Կովկասի ուսումնասիրությունների կենտրոնի աշխատանքային խմբի համակարգող Ալեքսանդր Սկակովը Հայաստանում քաղաքական կյանքի վերաբերյալ ուշագրավ կանխատեսումներ է արել:
Նրա խոսքով, մասնավորապես, նոր խորհրդարանը կենսունակության հույսեր չի ներշնչում: Սկակովի համոզմամբ` այն կարող է գործել 1-1,5 տարի կամ մի փոքր ավելի: Համարում է, որ խորհրդարան անցած ուժերի ներկայացվածությունը բավարար չէ. անհրաժեշտ է նոր դեմքերով «երրորդ ուժ» (տվյալ դեպքում` «չորրորդ»): Գիտնականի կարծիքով` քաղաքական նոր ուժի ձևավորումը կմոտեցնի նոր ընտրությունները:
Նրա խոսքով` թեև Փաշինյանը «քաղաքական ապագա չունի» և պետք է հեռանար անմիջապես պարտությունից հետո, սակայն նրան հակադրվել են նախկինները, ովքեր, Սկակովի կարծիքով, նույնպես մեղավոր են երկրում ստեղծված իրավիճակն ու Արցախի պարտությունը: Այսինքն, ինչպես նշում է, ընտրությունը կատարվել է «վատի և վատագույնի միջև»:
Սկակովի համոզմամբ` Փաշինյանի ընտրված իշխանությունը ժամանակավոր է, քանի որ երկրի զարգացման ծրագիր, արտաքին քաղաքական հիմնական ուղղվածություն չկա, ինչպես չի եղել նախկինում: Հասարակությունը, նրա խոսքով, մասնատված է: Այս պայմաններում, Սկակովի պնդմամբ, քաղաքական նոր ճգնաժամն անխուսափելի է:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները