WADA-ն Ռուսաստանին 4 տարով զրկել է օլիմպիադաներին, աշխարհի առաջնություններին ու միջազգային մրցաշարերին մասնակցելու իրավունքից
Ռուսաստանցի մարզիկները միայն չեզոք դրոշով կարող են մասնակցել մրցաշարերին, եթե ապացուցեն, որ դոպինգ չեն ընդունել:
WADA-յի (Հակադոպինգային համաշխարհային գործակալության) գործադիր կոմիտեն Ռուսաստանին չորս տարով զրկել է միջազգային խոշոր մրցաշարերին, այդ թվում և՝ օլիմպիադաներին ու աշխարհի առաջնություններին մասնակցելու իրավունքից: Ռուսական հակադոպինգային գործակալությունը (РУСАДА) իր հերթին զրկվել է համապատասխանության կարգավիճակից:
Ռուսաստանին չորս տարով արգելել են աշխարհի առաջնություն ընդունել և դրանց անցկացման համար հայտ ներկայացնել: Ռուսաստանցի մարզիկները նույնպես չեն կարողանա ազգային դրոշով մասնակցել Օլիմպիադաներին ու աշխարհի առաջնություններին:
Չեզոք դրոշով կարող են մրցումներին մասնակցել ռուսաստանցի այն մարզիկները, ովքեր կապացուցեն, որ դոպինգ չեն ընդունել: Հաղորդվում է, որ որոշման հետևանքով Ռուսաստանի դրոշն ու հիմնը կարգելվեն Տոկիոյի 2020թ. Օլիմպիական խաղերի և Քաթարում 2022թ. կայանալիք ֆուտբոլի աշխարհի առաջնության ժամանակ:
Բացի այդ, ռուսական պետական ծառայողներին, ՌԴ Օլիմպիական և Պարալիմպիական կոմիտեների ղեկավարությանը չորս տարով արգելել են ներկա գտնվել միջազգային մարզական միջոցառումներին: РУСАДА-ն հայտարարել է մամուլի ասուլիսի անցկացման մասին, որտեղ քննարկվելու է WADA-յի որոշումը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները