Մի խումբ զինվորներ, ծնողների դրդմամբ, հրաժարվել են մեկնել մշտական տեղակայման վայրերը, մի քանիսն էլ ինքնակամ լքել են զորամասի տարածքը. ՊՆ — Շեշտ.am (shesht.am)
2 րոպե
Խմբագրություն

Մի խումբ զինվորներ, ծնողների դրդմամբ, հրաժարվել են մեկնել մշտական տեղակայման վայրերը, մի քանիսն էլ ինքնակամ լքել են զորամասի տարածքը. ՊՆ

Պաշտպանության նախարարության հաղորդմամբ` մի խումբ զինծառայողների ծնողներ ու հարազատներ խոչընդոտել են պարտադիր ժամկետային զինծառայողների վերադարձն իրենց զորամասեր։ Զորամասը լքածներին հայտնաբերելու ուղղությամբ տարվում են համապատասխան աշխատանքներ:

Զինծառայողներ / © Mil.am

ՀՀ պաշտպանության նախարարությունը հայտարարություն է տարածել, ըստ որի` ՀՀ ՊՆ N զորամասում միջադեպ է տեղի ունեցել: Հաղորդվում է, որ մի խումբ զինծառայողների ծնողներ ու հարազատներ փորձել են խոչընդոտել արձակուրդի նպատակով տուն արձակված պարտադիր ժամկետային զինծառայողների վերադարձն իրենց զորամասեր։

Նշվում է, որ փետրվարի 23-ին զորամասի տարածքում տեղի ունեցած անկարգության ընթացքում մի խումբ զինվորներ, դրսում հավաքված ծնողների դրդմամբ, հրաժարվել են մեկնել իրենց մշտական տեղակայման վայրերը: Որոշ զինծառայողներ, օգտվելով ստեղծված իրավիճակից, ինքնակամ լքել են զորամասի տարածքը։

ՊՆ հաղորդմամբ` նրանց հայտնաբերելու ուղղությամբ տարվում են համապատասխան աշխատանքներ: Զորամասի հրամանատարության կողմից նշանակվել է ծառայողական քննություն, իսկ զորամասն ինքնակամ լքած զինծառայողների առնչությամբ ռազմական ոստիկանությունում նախապատրաստվում են նյութեր՝ քրեական գործ հարուցելու համար։

ՀՀ պաշտպանության նախարարությունը քաղաքացիներին հորդորում ձեռնպահ մնալ նմանատիպ գործողություններ հրահրելուց: Նշվում է, որ տարվելու են համապատասխան աշխատանքներ՝ այդօրինակ արարքներին իրավական գնահատական տալու ուղղությամբ։

Ամենաընթերցվածը

5 րոպե
Խմբագրություն

Արմեն Պետրոսյանի խոսքով` Հայաստանում տևական ներքաղաքական ճգնաժամի ու քաղաքացիական պատերազմի չհասնելով` Ադրբեջանի իշխանությունները ձգտելու են բազմաքայլ կոմբինացիաների, համակողմանի՝ ռազմական, քաղաքական, մարդասիրական առավելագույն ճնշումների շանտաժի միջոցով հնարավորինս արագ հասնել իրենց առջև դրված խնդիրների լուծմանը։

1 րոպե
Խմբագրություն

Ֆրանսիայի նախագահ Էմանուել Մակրոնը Սիրիայի Քուրդիստանի ղեկավարության հետ հանդիպման ժամանակ պատրաստականություն է հայտնել տնտեսական և ռազմական աջակցություն ցուցաբերել ինքնավար շրջանին` «Իսլամական պետություն» ահաբեկչական կազմակերպության դեմ պայքարի համար:

4 րոպե
Խմբագրություն

Մեծ Բրիտանիայի առաջին անսպասելի զորավարժություններն անցկացվելու են 2022թ., որոնց նպատակը ռուսական կայծակնային հարձակմանը պատրաստվելն է: Մի քանի խմբերի բաժանվելով, վայրէջքի համար մայրուղիներն ու ավտոկայաններն օգտագործելով` ռուսական հրթիռների կողմից մեծ թվով ինքնաթիռների ոչնչացումը կբարդանա:

3 րոպե
Խմբագրություն

Տեղեկատվություն է տարածվել, թե Արևմուտքը պահանջում է ռուսական խաղաղապահ ուժերի դուրսբերում Արցախից: Նշվում է, որ Գյումրիի 102-րդ ռազմաբազան դուրս կբերվի Հայաստանից, իսկ ռուս խաղաղապահների փոխարեն կտեղակայվեն ֆրանսիական ուժեր:

2 րոպե
Խմբագրություն

Նախնական տվյալներով` տուժածների թիվը 15 է: Նրանցից երեքը հոսպիտալացվել են. վիճակները գնահատվում է միջին ծանրության: Մյուս 12-ը, ինչպես նշվում է, լուրջ վնասվածքներ չեն ստացել. նրանց ցուցաբերվել է անհրաժեշտ բուժօգնություն:

2 րոպե
Խմբագրություն

ՌԴ նախագահի խոսքով` «ոչ Հայաստանը, ոչ Ադրբեջանը, ոչ էլ Լեռնային Ղարաբաղի բնակիչները շահագրգռված չեն հակամարտության շարունակմամբ»:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.