Անսպասելի 8 կանոններ, որոնց պետք է հետևել այլ երկրներում սեղանի շուրջ նստելիս

Սովորաբար մենք հյուրերին մատուցում ենք լի բաժակով թեյ, ճաշկերույթի ժամանակ մակարոնը փաթաթում ենք պատառաքաղի վրա և առանց ամոթի աղ ու պղպեղ ենք լցնում, աղամանն ու պղպեղամանը միշտ սեղանին են՝ տանը, սրճարանում, ռեստորանում:

Ստորև ներկայացնում ենք, թե ինչ տարօրինակ ավանդույթներ կան աշխարում՝ սննդի վերաբերյալ, որոնց կարող ենք բախվել՝ ճանապարհորդելիս:

1. Կես բաժակ թեյ՝ Դուբայում և Ղազախստանում, միայն ցանկալի հյուրերի համար

Դուբայում և Ղազախստանում ցանկալի հյուրերի համար թեյը կես բաժակ են լցնում: Այդպիսով տանտերը հաճելի շփման միջավայր է ստեղծում՝ կամաց-կամաց տաք ըմպելիք ավելացնելով:

Եթե ձեզ լի բաժակ են մատուցել, ապա դրանով ցանկանում են հասկացնել, որ գնալու ժամանակն է:

2. Մաքուր թեյնիկ՝ առանց «հոգու». Չինաստան

Չինաստանում, ավանդույթի համաձայն, թեյնիկը մաքրող միջոցներով չեն լվանում: Այն կամ փայլեցնում են եռացնելուց հետո կամ մաքրության համար շաքար են օգտագործում: Առաջացած շերտը (փառ) համարվում է «թեյի հոգի», ուստի այն ոչնչացնելը քիմիական միջոցներով սխալ է համարվում:

3. Պանիր խնդրելն Իտալիայում՝ վիրավորանք խոհարարին

Դժվար է պատկերացնել պիցցան առանց համեղ պանրի: Սակայն որքան էլ իտալացիները սիրում են այդ սնունդատեսակը, միևնույն է՝ այդ երկրում ընդունված չէ խնդրել պանրի հավելում:

Դա կարող է վիրավորել խոհարարին. հավելյալ պանիր խնդրելու դեպքում կնշանակի, որ նրա պատրաստած ուտեստը ձեզ դուր չի եկել և ցանկանում եք այն փոփոխել:

4. Աղ ու պղպեղ մի խնդրեք Պորտուգալիայում և Եգիպտոսում

Աղամանի ու պղպեղամանի առկայությունը սեղանին մեզ համար սովորական երևույթ է: Սակայն եթե Եգիպտոսում և Պորտուգալիայում խնդրեք աղ ու պղպեղ, ապա կարող են ձեզանից խիստ նեղանալ: Դրանով դուք կարծես շեշտում եք, որ խոհարարն աղն ու պղպեղը տեղին չի արել:

5. Թայլանդում պատառաքաղից մի օգտվեք

Պատառաքաղը սովորական պարագա է սեղանին, որի օգնությամբ ուտում ենք մակարոնեղեն, կարտոֆիլ և բազմաթիվ այլ ուտեստներ: Սակայն Թայլանդում դա կարող է դիտվել որպես վատ վերաբերմունք:

Այնտեղ կարելի է պատառաքաղից օգտվել և կշտամբանքի չենթարկվել միայն այն դեպքում, երբ պատառաքաղի օգնությամբ ուտելիքն ափսեից կտեղափոխեք գդալի վրա, որով և կուտեք:

6. Չինաստան. հավանեցի՞ք, մինչև վերջ մի կերեք

Սովորաբար, երբ սնունդը մեզ դուր է գալիս, փորձում ենք այն ուտել մինչև վերջ՝ դրանով հայտնել դրական կարծիք: Չինաստանում այդպիսի դրսևորումը կարող է որոշ խնդիրներ առաջացնել: Այնտեղ ճաշկերույթից հետո դատարկ ափսեները նշանակում են, որ հյուրերը սոված են մնացել, տանտերը ժլատություն է արել և անհրաժեշտ կերպ չի կերակրել:

Այնպես որ, եթե ցանկանում եք գովեստ հղել տանտիրոջը կամ խոհարարին, պետք է ափսեում մի փոքր թողնել, որքան էլ այն համեղ լինի:

7. Անգլավայել թեյախմություն՝ Մեծ Բրիտանիայում

Այն մասին, որ անգլիացիների մոտ սովորույթ է 17 ժամ թեյ խմելը, շատերը գիտեն: Սակայն ոչ բոլորին է հայտնի, թե հատկապես ինչպես են բրիտանացիներն ըմպում թեյը: Նախ՝ նրանք հաճախ կաթ են ավելացնում: Երկրորդ՝ նախընտրում են սառը թեյ (ավելացվում է սառը կաթ): Եվ վերջապես՝ անգլիացիները փորձում են թեյն այնպես խառնել, որ գդալը բաժաին չդիպչի և ձայն չարձակի:

8. Ճապոնիա. սննդի փայտիկների հետ՝ զգույշ վարվել

Եթե այցելեք Ճապոնիա, ոչ մի դեպքում սննդի փակտիկներն ուտելիքի մեջ ուղղահայաց մի տեղադրեք: Ավանդույթի համաձայն՝ այդպես վարվում են միայն հուղարկավորության արարողությունների ժամանակ: Իսկ ռեստորանում այդպիսի վարքը կարող է վիրավորել հաստատության ղեկավարին:

Այդ նույն պատճառով չի կարելի ուտելիքը փայտիկներով փոխանցել: Սգո արարողությունների ժամանակ դրանք օգտագործում են դիակիզման պարագայում՝ ոսկորները փոխանցելու համար:

Էջանիշ

Պատճենել հղումը

Email

Տպել

Twitter

VK

Telegram