Միաժամանակ 4 զորավարժություն՝ տարածաշրջանում — Շեշտ.am (shesht.am)
7 րոպե
Խմբագրություն

Միաժամանակ 4 զորավարժություն՝ տարածաշրջանում

Ներկայումս զորավարժություններ են իրականացնում Թուրքիայի, Ադրբեջանի, Իրանի, Ռուսաստանի զինված ուժերը՝ տարբեր զինատեսակների ներգրավմամբ: Մարտական պատրաստականության բարձր աստիճանի են բերվել նաև ՀՀ ԶՈւ առաջին շարակարգի միավորումները, զորամասերը և կենտրոնական ենթակայության ուժերի մի մասը:

ՀՀ ԶՈՒ ուժերի մի մասը բերվել են մարտական պատրաստականության բարձր աստիճանի / © Շուշան Ստեփանյան

Ռուսաստան

Ռուսաստանի Դաշնության Հարավային ռազմական շրջանի բանակային ավիացիայի ուղղաթիռները երկկողմանի գումարտակային մարտավարական վարժանքներ են իրականացնում Հյուսիսային Կովկասում և Անդրկովկասում:

Գումարտակային մարտավարական խմբերի մեխանիզացված զորաշարքի առաջխաղացմանն ուղեկցում են հարվածային Ми-28Н «Գիշերային որսորդ», Ка-52 «Ալիգատոր» և Ми-35 տրանսպորտային-մարտական ուղղաթիռները: Նրանք նաև իրականացնում են ստորաբաժանումների կրակային աջակցություն՝ մարտավարական խաղարկային տարբեր դրվագների ընթացքում:

Ռուսական ԶՈւ զորավարժություններին մասնակցում են նաև «Տորնադո», «Գրադ», ինքնագնաց «Մստա-Ս», «Գվոզդիկ», «Ակացիա» ռեակտիվ համակարգերի մարտկոցները, Տ-72Բ3, Տ-90 տանկերը և հետևակի մարտական մեքենաները՝ ՀՄՄ-3-ները: Զորավարժությանը ներգրավված են մոտոհրաձգային, տանկային, հրետանային զորքերը (ավելի քան 5 հազար զինծառայող): Անօդաչու ավիացիան իրականացնում է տեսադիտարկումը:

Թուրքիա-Ադրբեջան

Թուրք-ադրբեջանական համատեղ զորավարժությունները մեկնարկել են հուլիսի 29-ից և տևելու են մինչև օգոստոսի 10-ը: Մասնավորապես, օգոստոսի 1-ից 5-ը Բաքվում և Նախիջևանում անցկացվելու են երկու երկրների ցամաքային զորքերի համատեղ մարտավարական զորավարժությունները, իսկ հուլիսի 29-ից մինչև օգոստոսի 10-ը Բաքվում, Նախիջևանում, Գյանջայում, Քյուրդամիրում և Եվլախում ընթանալու են ռազմական ավիացիայի թռիչքամարտավարական համատեղ զորավարժությունները՝ մարտական կրակով:

Թուրք-ադրբեջանական զորավարժություններ / © T.C. Millî Savunma Bakanlığı

Զորաշարժերին մասնակցում են Թուրքիայի և Ադրբեջանի ԶՈւ-երի անձնակազմերը, զրահապատ տեխնիկան, հրետանային միջոցները, ականանետերը, ռազմական ավիացիան և հակաօդային պաշտպանության միջոցները:

Թուրք-ադրբեջանական զորավարժություններն ուշագրավ են նրանով, որ մեկնարկել են հայ-ադրբեջանական հուլիսյան բախումներից անմիջապես հետո՝ ի հեճուկս բազմաթիվ երկրների ու կազմակերպությունների՝ լարվածությունը թուլացնելու կոչերի: Միաժամանակ, այդ երկների ներկայացուցիչներն իրենց հայտարարություններում նշել են, որ այս զորավարժություններն ուղղված են Հայաստանի դեմ և ահաբեկման նշանակություն ունեն:

Իրան

Հուլիսի 29-ին զորավարժություններ են մեկնարկել նաև Իրանի Իսլամական հեղափոխության պահապանների կորպուսի ստորաբաժանումները: «Մեծ Մարգարե 14» անունը կրող վարժանքներն անցկացվում են Հորմոզղան նահանգում՝ ԻՀՊԿ-ի ռազմածովային և օդատիեզերական ուժերի հետ համատեղ: Ներգրավված են ՌԾՈւ հրթիռային, նավային և անօդաչուների ստորաբաժանումները, ինչպես նաև օդատիեզերական ուժերի անօդաչու և ռադիոտեղորոշիչ ստորաբաժանումները:

Մեծ Մարգարե 14 / © prtrtur

Առաջին անգամ զորաշարժերի դիտարկում է իրականացվում իրանական Noor-1 ռազմական արբանյակից, որն ուղեծիր էր արձակվել ապրիլի 22-ին: Կիրառվել են նաև բալիստիկ հրթիռներ:

Հայաստան

Հայաստանի ՊՆ մամուլի քարտուղար Շուշան Ստեփանյանի հաղորդմամբ՝ հուլիսի 31-ի վաղ առավոտյան զինված ուժերի գլխավոր շտաբի պետ Օնիկ Գասպարյանի կողմից զինված ուժերի առաջին շարակարգի միավորումները, զորամասերը և կենտրոնական ենթակայության ուժերի մի մասը բերվել են մարտական պատրաստականության բարձր աստիճանի:

Հաղորդվում է, որ, զորքերի մարտական պատրաստականության հանկարծակի ստուգումների 2020 պլանի համաձայն, ստուգվում են զորքերի մարտունակությունը, ստեղծված իրավիճակում արագ գործելու ունակությունները, ճշտվում են հաստիքային, տրված և աջակցող ուժերի ու միջոցների փոխգործակցության հարցերը, անցկացվում են ստորաբաժանումների և կրակի կառավարման մարզումներ՝ օպերատիվ-մարտավարական դրվագների խաղարկմամբ։

Հայ-ռուսական ՀՕՊ միավորված տարածաշրջանային համակարգի վարժանքների շրջանակում խաղարկվել են հետախուզահարվածային ԱԹՍ-ի…

Gepostet von Shushan Stepanyan am Donnerstag, 23. Juli 2020

Ավելի վաղ իրականացվել էին հայ-ռուսական ՀՕՊ միավորված տարածաշրջանային համակարգի վարժանքները, որի շրջանակում խաղարկվել էին հետախուզահարվածային անօդաչու թռչող սարքերի կիրառման և հակազդման տարբեր դիպաշարեր:

Ամենաընթերցվածը

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

2 րոպե
Խմբագրություն

Թուրքիայի նախագահ Էրդողանը հայտարարել է, որ Անկարան սկսում է աջակցել Գազայի հատվածին, ինչպես աջակցել է Ադրբեջանին` Արցախի դեմ պատերազմում: Համարվում է, որ դա կնշանակի լայնածավալ մասնակցություն Իսրայելի դեմ պատերազմին:

1 րոպե
Խմբագրություն

Տանկային ստորաբաժանումները զորավարժությանը ներգրավված այլ ստորաբաժանումներին հնարավորություն են ապահովել նպաստավոր դիրքերի զբաղեցման և պայմանական հակառակորդի գործողությունների վերահսկման համար։

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

4 րոպե
Խմբագրություն

Նշվում է, որ եթե ժամկետը լրանալուն պես նրանք չնահանջեն, ՀՀ զինված ուժերը պատրաստվում են ուժ կիրառել։

5 րոպե
Խմբագրություն

Հայաստանում հիշում են, թե Իսրայելն ինչպես էր զինում Ադրբեջանին՝ Արցախի դեմ պատերազմի համար, սակայն հիմա ակնհայտ է, որ թուրքերը դեմ են դուրս գալիս Իսրայելին․ Անկարան այժմ սպառնում է Թել Ավիվին, ինչի մասին Երևանում դեռ ամսիներ առաջ էին նախազգուշացնում։

3 րոպե
Խմբագրություն

Տեղեկություններ են ստացվել, որ այս գիշեր Իսրայելի զինված ուժերը ցամաքային և օդային հարձակում են սկսելու Գազայի հատվածի վրա: Շրջանը հսկող ՀԱՄԱՍ և մյուս բոլոր խմբավորումներն իրենց հերթին հարձակում են նախապատրաստում Իսրայելի մայրաքաղաքի ուղղությամբ: Այս պահին փոխադարձ հրթիռակոծությունը շարունակվում է:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.