10 մլն աստղերի դիտարկմամբ ոչ երկրային քաղաքակրթության ոչ մի ազդանշան չի հայտնաբերվել — Շեշտ.am (shesht.am)
4 րոպե
Խմբագրություն

10 մլն աստղերի դիտարկմամբ ոչ երկրային քաղաքակրթության ոչ մի ազդանշան չի հայտնաբերվել

Առագաստ համաստեղության ավելի քան 10 մլն աստղի և արտաարեգակնային 75 մոլորակի ուսումնասիրության արդյունքում ավստրալացի աստղագետներն այլմոլորակային քաղաքակրթության մասին վկայող ոչ մի նշան չեն գտել:

Առագաստ համաստեղություն / © ESO/Digitized Sky Survey 2

Առագաստի համաստեղությունը (լատ.՝ Vela) երկնքի Հարավային կիսագնդում է: Նրա հարավային սահմանն անցնում է Ծիր Կաթինի ամենաաստղային հատվածով: Զբաղեցնում է 499,6 քառակուսի աստիճան և ունի 195 աստղ, որոնք տեսանելի են անզեն աչքով, ևս միլիոնավոր աստղեր, որոնք առանց աստղադիտակի նկատելի չեն:

Ավստրալիայի Murchison Widefield Array (MWA) աստղադիտարանի հիման վրա դիտարկումներ են իրականացվել: Ռադիոաստղագիտական հետազոտությունների միջազգային կենտրոնի (ICRAR) Կերտինյան համալսարանի գիտնականները ծավալուն հետազոտության արդյունքում ցածր հաճախականությամբ ոչ մի ռադիոազդանշան չեն հայտնաբերել, որը կարող էր պատկանել այլմոլորակային քաղաքակրթությանը:

Առագաստ համաստեղությունը / © IAU and Sky & Telescope magazine (Roger Sinnott & Rick Fienberg)

Նշված աշխատությունում ուսումնասիրվել են արտաարեգակնային 6 մոլորակների ազդանշանները: Ընդհանրացնելով նույն գիտնականների նախորդ երկու հետազոտությունների արդյունքները՝ աստղագետները «ստուգել են» 75 հայտնի արտաարեգակնային մոլորակների ազդանշանների առկայությունը: Այնուամենայնիվ՝ ոչինչ չեն գտել: Նույն արդյունքն է գրանցվել նաև Առագաստ համաստեղության՝ ավելի քան 10 մլն աստղերի արդյունավետ իզոտրոպային-ճառագայթային հզորության վերին սահմանների հաշվարկների վերլուծությամբ: Երկնքի այդ մեծ տիրույթի դիտարկումը, գիտնականների խոսքով, այլմոլորակային բանականության որոնումների ծրագրի (SETI) շրջանակներում ամենամեծն է:

Այդպիսով, աստղագետները նախազգուշացնում են, որ ծրագիրը դեռևս երկար ճանապարհ ունի անցնելու, իսկ նմանատիպ արդյունքները նրանց չեն հիասթափեցնում, քանի որ ցույց են տալիս, որ հեշտ է պատահաբար այլմոլորակային բանականության որոնում իրականացնել՝ հետազոտելով աստղաֆիզիկական այլ երևույթներ:

Մարդկանց, իրականում, հայտնի չէ, թե ինչպիսի տեխնոլոգիան է ունակ մշակելու ոչ երկրային քաղաքակրթությունը. գիտությունը որպես նմուշ կարող է ընդունել միայն սեփական տեխնոլոգիաները: Միևնույն ժամանակ՝ աստղագետները «դիտարկել են» ընդամենը 10 մլն աստղ, իսկ Ծիր Կաթինում, տարբեր գնահատականներով, դրանք 100-400 մլրդ-ն են:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.