Գիտնականները համարում են, որ կորոնավիրուսը Յուհանում եղել է դեռ 2019թ. օգոստոսին — Շեշտ.am (shesht.am)
2 րոպե
Խմբագրություն

Գիտնականները համարում են, որ կորոնավիրուսը Յուհանում եղել է դեռ 2019թ. օգոստոսին

Եզրակացության հիմքում ընկած են արբանյակային լուսանկարները, որտեղ պատկերված են Յուհանի հիվանդանոցների մոտ կայանված մեքենաները, ինչպես նաև չինական Բայդու բրաուզերում կատարված հարցումները հազի և այլ ախտանշանների վերաբերյալ:

Յուհան, Չինաստան / © Aly Song, Reuters

Հարվարդի բժշկական դպրոցը հետազոտություն է անցկացրել, ըստ որի՝ նոր կորոնավիրուսը Յուհանում գոյություն է ունեցել դեռ 2019թ. օգոստոսից: Այդպիսի եզրակացության գիտնականները հանգել են արբանյակային լուսանկարների վերլուծության արդյունքում, ինչպես նաև՝ ըստ Բայդու բրաուզերի հարցումների:

Լուսանկարները, որոնցում պատկերված են Յուհանի 5 հիվանդանոցների կայանատեղիները, ցույց են տալիս, որ 2019-ի օգոստոս-դեկտեմբեր ամիսներին ավելի շատ մեքենաներ են կայանված եղել, քան 2018թ. նույն ժամանակահատվածում: Օրինակ՝ ամենախոշոր հիվանդանոցներից Տիանյույի տարածքում 2018թ. օգոստոսին կայանված է եղել 171 մեքենա, իսկ հաջորդ տարի նույն հատվածում 281-ն էին: Մյուս հիվանդանոցների տարածքում նույնպես նկատվել է կայանած մեքենաների մինչև 90% աճ:

Մեքենաները՝ Տիանյու հիվանդանոցի մոտ. a. 2018թ. հոկտեմբեր, b. 2019թ. հոկտեմբեր / © Harvard University

Չինական Բայդու բրաուզերի վերլուծությունը ցույց է տվել, որ 2019թ. օգոստոսից սկսած՝ ավելացել են հարցումները, որոնք կապված են վարակիչ հիվանդությունների ախտանշանների հետ, օրինակ՝ հազը, լուծը:

Հետազոտության համակարգողներից Ջոն Բրաունշտեյնի խոսքով՝ այդ ապացույցները հաստատում են այն ենթադրությունը, թե նոր կորոնավիրուսն առաջացել է ավելի վաղ, քան Յուհանի շուկայում արձանագրվածը: Միևնույն ժամանակ նշում են, որ հետազոտության ընթացքում հավաքված տվյալների անմիջական կապը կորոնավիրուսի հետ դեռևս չի ապացուցվել:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.