Տարոն Հովհաննիսյանի համոզմամբ` Բաքուն ոչ թե խաղաղության պայմանագիր է ցանկանում կնքել, այլ` Հայաստանի օկուպացրած տարածքների փաստացի օրինականացում` լարվածություն առաջացնելով նաև խափանելով խաղաղ բանակցությունները վերսկսելու` համանախագահ երկրների դիրքորոշումը:
Թուրքիայի խորհրդարանի խոսնակը հայտարարել է, որ չի խոսել Բաքվի և Անկարայի միջև թյուրքական համատեղ բանակի ստեղծման շուրջ բանակցությունների մասին: Նշվել է, որ ադրբեջանական աղբյուրը թուրք պաշտոնյայի խոսքերը «սխալ է թարգմանել»:
Ուշագրավ հոդված է հրապարակվել, որը կարող է օգտակար լինել հայկական բանակի բարեփոխումներով զբաղվող անձանց համար: Այն վերաբերում է իսրայելական բանակի ժամանակակից վերափոխմանը, որտեղ հիմնական շեշտադրումն արված է տվյալների փոխանցման, կապի, թիրախի հայտնաբերման, արհեստական բանականության տեխնոլոգիաների վրա:
Ջրային կոմիտեի նախկին ղեկավարի խոսքով` ոռոգող ենթակառուցվածքները մաշվել են, և ջրի կորուստը հասնում է մինչև 70%-ի: Միաժամանակ, թուրքական կողմում մտադիր են ջրամբարներ կառուցել, որոնք էականորեն կնվազեցնեն Հայաստանի ջրի պաշարը:
Ադրբեջանի նախագահն ամեն կերպ փորձում է Արցախի կարգավիճակի հարցը դուրս բերել միջազգային օրակարգից` հայտարարելով, թե «Լեռնային Ղարաբաղ չկա»: Վերլուծաբան Ռուբեն Մարգարյանի խոսքով` դա Ալիևի դիրքորոշումն է, սակայն մի շարք հանգամանքներ ի ցույց են դնում, որ դա բնավ այդպես չէ:
Երասխում և Քաշաթաղում հայկական կողմը երկարատև ընդմիջումից հետո առաջին անգամ պատասխանեց: Ռուսաստանը, ինչպես նշվում է, հասկանալով Հայաստանին զսպելու անկարողությունը, գիտակցաբար կամ հարկադրված, Երևանին դրդում է կայացնելու ինքնիշխան որոշումներ:
Հաղորդվում է, որ ինտենսիվ փոխհրաձգություն չկա, սակայն հնչում են անկանոն կրակահերթեր: «Մյուս ուղղություններում իրավիճակը նորմալ է, հարաբերական կայուն»։
Մեծ Բրիտանիայի առաջին անսպասելի զորավարժություններն անցկացվելու են 2022թ., որոնց նպատակը ռուսական կայծակնային հարձակմանը պատրաստվելն է: Մի քանի խմբերի բաժանվելով, վայրէջքի համար մայրուղիներն ու ավտոկայաններն օգտագործելով` ռուսական հրթիռների կողմից մեծ թվով ինքնաթիռների ոչնչացումը կբարդանա:
Ժերոմ Լամբերը Ֆրանսիայի կառավարությանը կոչ է անում աջակցել Երևանին` դուրս գալու մեկուսացումից: Նրա խոսքով` պետք է Հարավային Կովկասում իրավիճակը կարգավորել, բացել սահմանները և վերականգնել կենսական նշանակության տրանսպորտային կապերը:
Նիկոլ Փաշինյանի որոշմամբ ստեղծվել է Հայաստանի Հանրապետության և Ռուսաստանի Դաշնության միջև տիեզերական գործունեության ոլորտում համագործակցության ապահովման հայկական կողմի աշխատանքային խումբը, որում ներգրավվել են ՊՆ-ն, Գլխավոր շտաբը, ԱԱԾ-ն, Բյուրականի աստղադիտարանը, ԲՏԱ նախարարությունը և այլն:
Չինացիների համար այդ «Միջին միջանցքի» նախագիծն ի սկզբանե կասկածելի է եղել` հաշվի առնելով Հայաստանի և Ադրբեջանի միջև հակամարտությունը, որն Էրդողանը խոստացել է լուծել: Թուրքիայի նախագահը փորձում է Պեկինին վստահեցնել, որ միջանցքը կարող է դառնալ չինական «Մեկ գոտի, մեկ ուղի» նախաձեռնության հիմնական երթուղիներից մեկը:
Ֆրանսիայի նախագահ Էմանուել Մակրոնը Սիրիայի Քուրդիստանի ղեկավարության հետ հանդիպման ժամանակ պատրաստականություն է հայտնել տնտեսական և ռազմական աջակցություն ցուցաբերել ինքնավար շրջանին` «Իսլամական պետություն» ահաբեկչական կազմակերպության դեմ պայքարի համար:
Արմեն Պետրոսյանի խոսքով` Հայաստանում տևական ներքաղաքական ճգնաժամի ու քաղաքացիական պատերազմի չհասնելով` Ադրբեջանի իշխանությունները ձգտելու են բազմաքայլ կոմբինացիաների, համակողմանի՝ ռազմական, քաղաքական, մարդասիրական առավելագույն ճնշումների շանտաժի միջոցով հնարավորինս արագ հասնել իրենց առջև դրված խնդիրների լուծմանը։
ՄԱՀՀԻ հիմնադիրը չի բացառում, որ Ալիևի հետ «լեզու գտնելու» դեպքում Մոսկվան մասնակից դառնա Ադրբեջանի վերահսկողության տակ անցած տարածքներում ներդրումային-տնտեսական ու հումանիտար գործընթացներին, որոնք կարող են ծավալվել նաև Արցախի հարավում, որտեղ Ալիևը փորձում է երկաթուղին օր առաջ վերականգնել ու Նախիջևանի հետ կապ հաստատել։
Տեղեկատվություն է տարածվել, թե Արևմուտքը պահանջում է ռուսական խաղաղապահ ուժերի դուրսբերում Արցախից: Նշվում է, որ Գյումրիի 102-րդ ռազմաբազան դուրս կբերվի Հայաստանից, իսկ ռուս խաղաղապահների փոխարեն կտեղակայվեն ֆրանսիական ուժեր:
Նախնական տվյալներով` տուժածների թիվը 15 է: Նրանցից երեքը հոսպիտալացվել են. վիճակները գնահատվում է միջին ծանրության: Մյուս 12-ը, ինչպես նշվում է, լուրջ վնասվածքներ չեն ստացել. նրանց ցուցաբերվել է անհրաժեշտ բուժօգնություն:
Շեշտվում է, որ Բաքուն, փաստորեն, համաձայնել է Իրանի առաջարկին`շարունակել նրա տարածքով ուղևորափոխադրումները դեպի Նախիջևան: Ավելի վաղ պաշտոնական Թեհրանն Ադրբեջանին առաջարկել էր իր տարածքով Կովսականից (Զանգիլան) դեպի Նախիջևան ճանապարհներ կառուցել, այդ թվում ՝ երկաթուղային: Առաջարկն արվել էր «Մեղրիի ճանապարհի» փոխարեն:
Թուրքական կողմն ավարտել է Իգդիր-Նախիջևան 160 կմ-անոց գազատարի նախապատրաստման աշխատանքները և պատրաստ է գազատարի կառուցմանը, սպասում է միայն Ադրբեջանի հետ տեխնիկական մանրամասների համաձայնեցմանը:
Ադրբեջանցի օգտատերերը Ռուսաստանին մեղադրում են օկուպացիայի մեջ` պահանջելով «դուրս շպրտել, ինչպես շանը` մզկիթից»:
Մեկնաբանություններ