Ալիևն առաջարկել է Հայաստանն Արցախին կապող նոր միջանցք ստեղծել՝ Լաչինի փոխարեն
Ադրբեջանի նախագահը հայտարարել է, որ Բաքուն նախատեսում է նոր միջանցք կառուցել, որը Հայաստանը կմիացնի Լեռնային Ղարաբաղին: Դրա փոխարեն Լաչին (Բերձոր) քաղաքն անցնելու է Ադրբեջանին:
Ադրբեջանի նախագահը հայտարարել է, որ Բաքուն նախատեսում է նոր միջանցք կառուցել, որը Հայաստանը կմիացնի Լեռնային Ղարաբաղին: Ալիևի խոսքով՝ դրա փոխարեն Լաչին (Բերձոր, խմբ.) քաղաքն անցնելու է Ադրբեջանին:
Իլհամ Ալիևը նաև նշել է, որ Նախիջևանի միջանցքի վերաբերյալ իրենց համաձայնությունն են հայտնել և՛ Թուրքիայի նախագահ Էրդողանը, և՛ Ռուսաստանի նախագահ Պուտինը:
Ալիևը, խոսելով Արցախի՝ հայկական վերահսկողության տակ գտնվող տարածքներին, հայտարարել է. «Այսօր Լեռնային Ղարաբաղում ապրող մարդիկ Ադրբեջանի քաղաքացիներ են։ Ես ևս մեկ անգամ ուզում եմ ասել, որ նրանք կտեսնեն, որ միասնական Ադրբեջան պետության կազմում նրանց կյանքը լավ է լինելու»։
Հիշեցնենք, որ Լաչինի շրջանը, համաձայն նոյեմբերի 9-ի եռակողմ հայտարարության, դեկտեմբերի 1-ին անցել է Ադրբեջանի վերահսկողության տակ: Շրջանով է անցնում 5 կմ լայնությամբ միջանցքը, որով ապահովվում է Հայաստանի Հանրապետության և Արցախի Հանրապետության ցամաքային կապը:
Մեկնաբանությունները