Մեր աղբյուրը նոր տեղեկություններ է հաղորդել Ախալքալաքից

Քաղաքում բացված խաղատունը դարձել էր ինքնասպանությունների ու հաշվեհարդարների պատճառ. հաղորդվում է, խաղատան սեփականատերը կապ ունի կուլիկամցի 27-ամյա երիտասարդի սպանության հետ, ինչի համար նրանից վրեժ են լուծել՝ այրելով հյուրանոցն ու տները: Բախումները դեռ շարունակվում են:

Նորություններ

# Ախալքալաք

# Միջադեպեր

# Ջավախք

Անկարգություններ Ախալքալաքում / © JNEWS / Հեղինակ՝ անհայտ, լուսանկարը տրամադրել է օգտատերը

Ջավախքում կրքերը չեն հանդարտվում: Վերջին տվյալներով՝ այրվել է 4 տուն, 1 հյուրանոց, 1 մարդ տեղում է մահացել, կան վիրավորներ: Հաղորդվել է, որ վնասվել են նաև մեքենաներ, շինություններ: Դեպքի վայր է ժամանել շրջանի ղեկավար Բեսիկ Ամիրանաշվիլինի:

https://www.facebook.com/kristinajur/videos/4166947596680519/

Կոտրում են հյուրանոցի ապակիները / © Kristina Marabyan

Ջավախքի մեր աղբյուրից փորձեցինք տեղեկանալ բախումների իրական պատճառը: Նրա փոխանցմամբ՝ հյուրանոցի տերն է սպանել երիտասարդին, ինչից հետո էլ նրանից վրեժխնդիր են եղել:

https://www.facebook.com/JavakhetiNews/videos/295829321736543/

Այրվել է 4 տուն / © JNEWS

Մենք տեղեկացանք նաև, որ այստեղ վերջերս խաղատուն է բացվել, ինչը բազմաթիվ վեճերի, ինքնասպանությունների ու հաշվեհարդարների պատճառ է դարձել: Կան տեղեկություններ, որ երիտասարդի սպանությունը կապված է հենց խաղատան գործունեության հետ:

Անկարգություններ Ախալքալաքում / © JNEWS

Ի սկզբանե հաղորդվում էր, որ անկարգությունների պատճառը Կուլիկամ գյուղի բնակչի սպանությունն է: Դրանից հետո մի խումբ անձինք հարձակում են գործել Ախալքալաքի Արտ-Սեգ հյուրանոցի վրա, այրել այն, այնուհետև այրել հյուրանոցի տիրոջ տունը: Արդյունքում քաղաքի մի քանի փողոցներում սկսվել է խոշոր բախում:

https://www.facebook.com/kristinajur/videos/4167068206668458/

Այրվում է հյուրանոցի սեփականատիրոջ տունը / © Kristina Marabyan

Հաղորդվում է, որ անկարգություններն այս պահին շարունակվում են Ախալքալաքի Մյասնիկյան փողոցում:

Վրիպա՞կ գտաք։ Նշեք հատվածը և սեղմեք Ctrl + Enter։